13-nji iýunda, penşenbe güni Türkmenistanyň Döwlet haryt-çig mal biržasynyň söwdalarynda nebithimiýa we ýeňil senagat önümleri uly islegden peýdalanyldy.
Iş gözlemek we işewür gatnaşyklaryny ýola goýmak üçin dünýäde iň iri LinkedIn sosial ulgamy emeli intellektiň binýadyndaky täze hyzmatlary bilen tanyşdyrdy.
Ählumumy ekologiýa gaznasy tarapyndan maliýeleşdirilýän we BMG-niň Ösüş maksatnamasy hem-de Türkmenistanyň Daşky gurşawy goramak ministrligi tarapyndan amala aşyrylýan “Köpsanly bähbitler üçin Aral deňziniň sebitindäki ýokary tebigy gymmatlygy bolan ekoulgamlary we ýer serişdelerini gorap saklamak hem-de durnukly dolandyrmak” taslamanyň çäklerinde öri meýdanlaryny we aýratyn goralýan tebigy çäkleri durnukly dolandyrmak boýunça okuw maslahaty geçirildi.
«Emeli aň Stiw» atly emeli aň ulgamy 4-nji iýulda Beýik Britaniýada geçiriljek ählumumy saýlawlarda Braýton okrugynyň parlamentiniň agzasy bolmaklyga dalaş edýär.
Türkmenistanda ýaşaýan Eýran Yslam Respublikasynyň raýatlary 28-nji iýunda geçiriljek Eýranda geçiriljek möhletinden öň Prezident saýlawlarynda ses berip bilerler.
Türkmenistanyň paýtagtynda BMG-niň Neşe we jenaýatçylyk baradaky müdirliginiň «Serhetde ýolagçylaryň we ýükleriň gözegçilik-derňew barlagy boýunça toparlar» başlangyjynyň çäklerinde gümrük gulluklarynyň ýolbaşçylarynyň 9-njy sebitara duşuşygy geçirildi diýip, Türkmenistanyň gümrük gullugynyň saýty habar berýär.
Günorta Koreýanyň «Samsung» kompaniýasy aýagyň hereketleri arkaly «Samsung» telefonynda anyk hereketleri etmäge mümkinçilik berýän özboluşly sport aýakgabyny çykardy.
Amerikaly işewür Ilon Mask smartfonlaryň geçmişde galjakdygyny aýtdy – geljekde adamlar smartfonlaryň kömegi bolmazdan biri-biri bilen aragatnaşyk saklarlar. Olaryň ornuny milliarderiň kompaniýasyna degişli bolan «Neuralink» neýroçipi eýelär.
17-nji iýunda Warşawada Türkmenistanyň we Polşanyň Daşary işler ministrlikleriniň arasynda syýasy geňeşmeler geçirildi. Türkmen tarapyna daşary işler ministriniň orunbasary Ahmet Gurbanow, Polşa tarapyna bolsa, ministriň orunbasary Marek Prawda ýolbaşçylyk etdiler.
Green Tech Amsterdam 2024 halkara sergisiniň çäklerinde Golland kompaniýalarynyň türkmen bazarynda oba hojalyk ulgamynda ykdysady mümkinçiliklerine bagyşlanan aýratyn sessiýa geçirildi. Çärä Niderlandlaryň we Türkmenistanyň işewür toparlarynyň, ýurdumyzyň Oba hojalyk ministrliginiň we ilçihanasynyň wekilleri, Ýewropanyň dürli ylmy-barlag we maliýe institutlarynyň ýolbaşçylary gatnaşdylar.
17-nji iýunda Türkmenistanyň Belgiýadaky ilçisi Sapar Pälwanowyň Bütindünýä gümrük guramasynyň Baş sekretary Ýan Sondrs bilen duşuşygy boldy. Duşuşygyň dowamynda guramanyň muzeýine Magtymguly Pyragynyň keşbi çitilen el halysy gowşuryldy.
16-njy iýunda hormatly Prezidentimiz Serdar Berdimuhamedow Türkmenistanyň ilçilerini bellemek baradaky Permanlara gol çekdi.
Hormatly Prezidentimiz Serdar Berdimuhamedow Beýik Britaniýanyň we Demirgazyk Irlandiýanyň Birleşen Patyşalygynyň Patyşasy Onuň Alyjenaby Karl III Resmi ýaş toýy mynasybetli ýürekden gutlaglaryny we iň gowy arzuwlaryny iberdi.
Paýtagtymyzdaky Konstitusiýa binasynyň öňünde Türkmenistanyň Goranmak ministrliginiň Harby akademiýasynyň, harby institutynyň, Serhet institutynyň, Milli howpsuzlyk institutynyň, Içeri işler ministrliginiň institutynyň, Myrat Garryýew adyndaky Türkmenistanyň Döwlet lukmançylyk uniwersitetiniň harby lukmançylyk fakultetiniň uçurymlaryny sarpalamak dabarasy boldy.
Nury Halmämmedow adyndaky “Dutaryň owazy” Moskwa halkara festiwalynyň guramaçylyk komiteti geçen döwrüň tanymal türkmen zenan aýdymçylarynyň hormatyna ýörite baýraklary döretdi diýip, festiwalyň art-direktory Mämmet Guseýnow habar berdi.
