Şu gün hormatly Prezidentimiz Serdar Berdimuhamedowyň tabşyrygy boýunça Mejlisiň Başlygy G.Mämmedowa Çehiýa Respublikasynyň Türkmenistandaky Adatdan daşary we Doly ygtyýarly ilçisi Waslaw Ýilegden ynanç hatyny kabul etdi.
Türkmenistanyň Mejlisiniň deputatlarynyň saýlawlaryndaky GDA-nyň synçylarynyň işine GDA-nyň Baş sekretary Sergeý Lebedew ýolbaşçylyk eder. Onuň kandidaturasy Arkalaşygyň agza döwletleriniň hemişelik doly ygtyýarly wekilleriniň Geňeşi tarapyndan tassyklandy. Bu barada GDA Ýerine ýetiriji komitetiniň internet sahypasynda habar berilýär.
Türkmenistandan Türkiýede bolup geçen ýertitremesinden ejir çekenlere ynsanperwer ýükli üçünji uçar ugraýar. Bu barada Türkiýäniň Aşgabatdaky wiza merkezinde guralan haýyr-sahawat çäresinde Türkiýäniň Aşgabatdaky ilçisi Togan Oral aýtdy.
Türkmenistanly sportuň erkin göreş boýunça ussatlary 11-12-nji fewralda Bakuda A.Azizowyň ýagty ýadygärligine bagyşlanyp geçirilen göreş boýunça açyk halkara ýaryşynda 11 medala mynasyp boldular.
Türkmenistanyň Hökümeti we BAE döwleti ösdürmek we kämilleşdirmek babatynda tejribe alşarlar. Özara düşünişmek baradaky degişli ähtnama Türkmenistanyň daşary işler ministri Raşid Meredowyň we BAE-niň Ministrler Kabinetiniň işi boýunça ministri Mohammad Abdulla Al Gergawiniň duşuşyklaynyň netijesinde gol çekildi .
Gyrgyzystan-Özbegistan-Türkmenistan-Russiýa ugry boýunça ugurlary amatlylaşdyrmak we söwdany ösdürmek üçin Gyrgyzystan goşmaça ugruň üstünde işleýär. Bu barada Respublikanyň ykdysadyýet ministrligine we ulag ministrligine salgylanyp, Ýewraziýanyň Ritmi portaly habar berýär.
Duşenbe güni, 13-nji fewralda Türkmenistanyň Döwlet haryt-çig mal biržasyndaky söwdalaşyklarda jemi bahasy $94,1 mln amerikan dollaryna deň bolan 8 geleşik baglaşyldy – diýip, ORIENT-iň habarçysy habar berýär.
Angliýanyň we Fransiýanyň ýaşaýjylaryna täsirli asman görnüşini - atmosferada asteroidiň ýanyşyny we ondan emele gelen ýagty şemi görmek nesip etdi.
Mermer deňzi Stambulyň kenaryndan ortaça 15-20 metrlik yza süýşdi – diýip, “RIA Nowosti” habar berýär.
Türkmen hünärmenleri howp salmalar barada habardar etmegiň we jemgyýetçiligi seslenmek işine çekmegiň, şeýle hem saglygy goraýyş ugrundan tersin aragatnaşygyň mehanizmini döretmegiň aýratynlyklary bilen tanyşdylar. Bu barada ÝUNISEF-iň Türkmenistandaky wekilhanasynyň metbugat habarynda aýdylýar.
Moskwa we Tähran 2023-nji ýylda wizasyz düzgüni girizmek barada ylalaşyp bilerler. Eýran bu mesele boýunça rus tarapyndan jogaba garşýar hem-de gysga wagtda wizalary ýatyrmaga taýýar. Bu barada duşenbe güni metbugat maslahatynda Eýranyň Moskwadaky ilçisi Kazem Jalali aýtdy.
«Türkmenpoçta» poçta aragatnaşyk kompaniýasynyň saýtynda elektron söwda platformasy elýeterlidir shop.post.tm.
Amerikanyň harbylary fewralyň başyndan bäri 4 sany bilinmedik uçýan obýekti urup ýykdylar. Olaryň hersiniň formasy dürli-dürli. Pentagon olar harby howpy döredýär diýip hasap edenok, ýöne olary anyklaýyş maksatlary üçin ulanýan bolmaklaryny çaklaýar. Şeýle hem amerikanlar ol obýektleriň ýerden däl bolmagyny hem çaklaýarlar – diýip, BBC News habar berýär.
Türkmenistanyň Döwlet daşary ykdysady iş banky we BAE-niň First Abu Dabi banky dirhemde korrespondent hasabyny açmak barada ylalaşdylar – diýip, BAE-niň Türkmenistandaky ilçihanasynyň Instagram sahypasynda habar berilýär.
«Türkmendeňizderýaýollary» agentliginiň deňiz orta hünär mekdebi Türkmenbaşynyň Halkara deňiz portunyň hünärmenler bilen doldurylmagy we ösdürilmegi üçin taýýarlygyň 11 ugry boýunça talyplaryň okuwuny gutardyp, zähmet ýoluna goýberdi.
