Ýewropanyň Lýuksemburg döwletinde esaslandyrylan iri “Cargolux Airlines” ulag-logistik kompaniýasy Türkmenistanyň üsti bilen yzygiderli ýük howa gatnawlaryny ýerine ýetirýär.
Türkmenistanyň adam hukuklary boýunça ygtyýarly wekili (adalatçy) Ýazdursun Gurbannazarowa Beýik Britaniýanyň we Demirgazyk Irlandiýanyň Birleşen Patyşalygynyň Türkmenstandaky ilçisi Stiwen Konlon bilen duşuşdy.
Birleşen Arap Emirlikleriniň öýjükli aragatnaşyk interneti dünýäde iň ýokary tizlikli diýlip yglan edildi. Bu barada “Ookla” neşiri Ýer ýüzi boýunça geçiren seljermelerini göz öňünde tutup habar berýär.
ÝUNESKO Merkezi Aziýa ýurtlarynyň adatdan daşary ýagdaýlar wagtynda medeni mirasyň desgalaryny goramak mümkinçiliklerini degişli Gaznanyň üsti bilen goldamagy niýet edinýär. Serişdeler bütindünýä mirasynyň desgalarynyň, muzeýleriň we beýleki infrastrukturanyň dürli howplara täýýärlygyny ýokarlandyrmaga gönükdiriler.
Türkmenistanyň goranmak Ministrliginiň raýat goranyşyň we halas ediş işleriniň baş müdirligi bilim Ministrligi bilen bilelikde lukmanlar gelýänçä berilýän kömek we kömek bermegiň beýleki görnüşleri boýunça meňzedilen okuwlary geçirdiler. Maý aýyndan iýul aýyna çenli geçirilen çärelere mekdepleriň okuwçylary, mugallymlary we ýolbaşçylary gatnaşdylar.
Öňümizdäki 2024-nji ýylda Fransiýada tomusky Olimpiýa oýunlary geçiriler. Ýurduň Prezidenti Immanuel Makron oňa geljek myhmanlary nusgalyk derejede garşylamak boýunça ýörite döwlet resminamasynyň işlenip taýýarlanjakdygyny mälim etdi.
Garaşsyz Döwletleriň Arkalaşygyna agza ýurtlaryň II oýunlaryna 150-den gowrak lukmançylyk işgärleri hyzmat eder. Bu barada Belarus Respublikasynyň Olimpiýa komiteti habar berýär.
Apple kompaniýasy Apple GPT hususy çat-botyny— OpenAI-dan ChatGPT meňzeşini işläp düzdi – diýip, Bloomberg neşiri habar berýär.
Gazagystanda ähli türki dilli ýurtlarda belli bolan gadymy rowaýatlaryň esasynda 10 synag animasiýa taslamasyny döretmäge başladylar. Animasiýa almanahyna girýän her bir hroniki filmiň wagty 5 minutdan gowrak diýip, «Gazagystan Prawda» «Gazakanimasiýa» döredijilik birleşiginiň buýrugy bilen täze animasiýa filmlerini öndürmäge başlan, Gazagystan Respublikasynyň Medeniýet we sport ministrliginiň metbugat gullugyna salgylanýar.
Daşkentde, küşt boýunça mekdep okuwçylarynyň arasyndaky 17-nji Aziýa çempionaty penşenbe güni, 20-nji iýulda tamamlandy. Bu gün, ýaş türgenler tutuş oýun üçin 3 minut wagt gözegçiligi we her hereketi üçin 2 sekunt goşmak bilen blits ýaryşyna gatnaşdylar. Küştiň bu görnüşi, oýun wagtynda çalt we hatda ýyldyrym çaltlygy bilen karar bermegi talap edýär.
Lebap welaýatynyň Halaç etrabynyň Pelwert obasynyň saglyk öýünde täze synag gün energiýasy ulgamy oturdyldy. Etrap başlangyç saglygy goraýyş merkezi, ýurtda elektrik energiýasy bilen üpjün edýän gün panelleri bilen enjamlaşdyrylan ilkinji edara boldy. Bu maksatnama, Türkmenistanyň Saglygy goraýyş we derman senagaty ministrligi bilen bilelikde durmuşa geçirilen UNISEF-iň innowasion taslamasynyň çäginde durmuşa geçirildi.
2023-nji ýylyň 17-21-nji iýul aralygynda Türkmenistanyň Söwda-senagat edarasynyň başlygy Mergen Gurdowyň ýolbaşçylygyndaky wekiliýetiň Katar Döwletiniň Doha şäherine iş sapary amala aşyryldy.
Braziliýa Federatiw Respublikasynyň Türkmenistandaky adatdan daşary we doly ygtyýarly wekili (ýeri Astanada) Rubema Antonio Korrea Barboza çarşenbe güni Türkmenistan Mejlisiniň başlygy Dünýägözel Gulmanowa ynanç hatyny gowşuryp, öz wezipesine girişdi.
Şu ýylyň maý aýynda Türkmenistan 2,73 milliard kub metr tebigy gazy Hytaýa eksport edip, bu baradaky görkeziji geçen ýylyň degişli döwründäkiden 5 göterim ýokarlandy.
“Windows” operasion ulgamly kompýuterler üçin maglumatlary simsiz “Android” ulgamly enjamlar bilen göniden-göni özara alyşmaga ýardam berýän “Nearby Share” programmasy elýeterli edildi.
