ÝUNESKO MA ýurtlarynda medeni mirasy adatdan daşary ýagdaýlardan goramak boýunça täze taslama badalga berýär
ÝUNESKO Merkezi Aziýa ýurtlarynyň adatdan daşary ýagdaýlar wagtynda medeni mirasyň desgalaryny goramak mümkinçiliklerini degişli Gaznanyň üsti bilen goldamagy niýet edinýär. Serişdeler bütindünýä mirasynyň desgalarynyň, muzeýleriň we beýleki infrastrukturanyň dürli howplara täýýärlygyny ýokarlandyrmaga gönükdiriler.
Meýilnamalaryň ýerine ýetirilmegi üçin jogapkärçilik ÝUNESKO-nyň Almatadaky Klaster býurosynyň üstüne ýüklenildi. Medeni mirasy betbagtçylyklardan we dawalardan goramak mehanizmi bolan Gazna medeni we taryhy desgalaryň doly howpsuzlygyny üpjün etmäge niýetlenendir – diýip, guramanyň metbugat-gullugy habar berýär.
2016-njy ýylda ÝUNESKO-nyň howp astynda ýerleşýän medeni mirasynyň desgalarynyň Sanawyna Özbegistanda ýerleşýän dünýäniň iň gadymy şäherleriniň biri Şahrisabz girizilipdi.
Häzirki wagtda Merkezi Aziýanyň çäginde ÝÜNESKO-nyň Bütindünýä mirasynyň 15 desgasy ýerleşýär, olardan 3-si Türkmenistanda ýerleşýär, olaryň arasynda gadymy şäher Merw, Köneürgenç şäheriniň ýadygärlikleri we Nusaýyň Parfiýa galalary bardyr.
ORIENT habarlar
