Ýaponiýanyň daşary işler ministriniň parlament işleri boýunça orunbasary Ýuumi Ýeşikawa Türkmenistanyň Döwlet medeniýet merkeziniň döwlet kitaphanasyna iňlis dilindäki 156 sany kitaby dabaraly gowşuryş çäresine gatnaşdy. Bu kitaplar ýapon halkynyň medeniýeti, taryhy we ykdysadyýeti baradadyr diýip, Türkmenistanyň resmi metbugaty habar berýär.
Türkmenistanyň paýtagty – Aşgabat 2023-nji ýylyň noýabr aýynda göreş boýunça dünýä çempionaty kabul eder.
Türkmenistanyň Senagatçylar we telekeçiler birleşmesiniň Müdiriýetiniň başlygy wezipesine Nökerguly Atagulyýew saýlandy.
Russiýanyň teleradioýaýlymlar Milli birleşmesine Alekseý Malinin baştutanlyk etdi.
Sentýabrda Aziýa-Ýuwaş ummany ýaýlym birleşmesi bilen bilelikde mediaforumy guramaklygyň meseleleri Türkmenistanyň telewideniýe, radiogepleşikler we kinomatografiýa baradaky Döwlet komitetiniň başlygynyň orunbasary Annasähet Kakaýewiň guramanyň Baş sekretary Ahmed Nadim bilen duşuşygynyň barşynda ara alnyp maslahatlaşyldy.
Gyrgyzstanyň sanlar Ministrligi tarapyndan dünýäde ilkinji Sanly kodeks işlenip düzüldi. Bu barada respublikanyň sanly ösüş ministri Talantbek Imanow özüniň sosial torlardaky sahypasynda habar berdi.
Türkmenistan bilen Ýewropa Bileleşiginiň bilelikdäki taslamalaryny ara alyp maslahatlaşmak ýurdumyzyň Belgiýadaky ilçisi Sapar Pälwanowyň Ýewropa toparynyň Merkezi Aziýa we Ýakyn Gündogar ýurtlary boýunça müdirliginiň başlygy Sara Rinaldi bilen duşuşygyň esasy mowzugy boldy.
Täze seljermede, saz bilen meşgullanmagyň we okuwçylaryň matematikadan ýetişiginiň sebäpli-seljermesi öwrenildi. Alnan netijelere görä derňewçiler sazyň okuwçylar üçin matematikany has gyzykly edýändigini we olaryň droblar ýaly mowzukdaky gorkuzgyny we howaslasyny azaltmaga kömek edýändigini çaklaýarlar. Hat-da sazyň goşulmagy çagalaryň matematikany gowy gormäge we köpräk bilmäge höweslendiribem biler.
"Moda arkalaşygy"atly ikinji halkara forumy 2023-nji ýylyň 9-10-njy noýabrynda Sankt-Peterburgda GDA agza ýurtlaryň Mejlisara Assambleýasynyň ştab-kwartirasy bolan Tauride köşgünde geçiriler.
“Litres” kitap hyzmaty Özbegistanda “Litres.uz” saýtynyň işini ýola goýar. Katalogda özbek dilinde çapdan çykan kitaplaryň 1500-si, şeýle hem hyzmatda hödürlenýän rus we beýleki dillerdäki neşirler bolar.
Dersara kiber bäsleşigi - Merkezi Aziýanyň we Günorta Kawkazyň uniwersitetleriniň talyplary üçin ýörite döredilen Cyber 9/12 Strategiýa çagyryşyň ilkinji neşiri 11-12-nji iýulda Özbegistanda geçirilýär. Gatnaşanlaryň arasynda Azerbaýjanyň, Gazagystanyň, Gyrgyzystanyň, Türkmenistanyň we Özbegistanyň akademiki edaralaryna wekilçilik edýän talyp toparlary bardy.
Russiýa "Demirgazyk-Günorta" halkara ulag geçelgesi hakyndaky ylalaşyga Türkmenistanyň goşulmagyna razylyk berdi. TASS-yň berýän habaryna görä, degişli buýruga Russiýa Federasiýasynyň premýer-ministri Mihail Mişustin gol çekdi.
Samarkantda 2023-nji ýylyň 1-nji sentýabrynda Daşkendiň döwlet agrar uniwersitetiniň şahamçasynyň bazasyndaky Oba hojalygy innowasiýalaryň we gözlegleriň instituty talyplar üçin öz gapysyny açar. Täze okuw edarasy ýokary okuw mekdepleri we MGI bilen hyzmatdaşlyk eder. Bilim taslamasy fundamental oba hojalyk gözlegleriň edaralar arasy merkeziniň döredilmegini göz öňünde tutýar. Şeýle hem institutyň garamagynda oba hojalyk ekinleriniň Gen banky we meýdan ekinleriniň Milli ylmy toplumynyň müdirligi dörediler diýip, NOVA24uz habar berýär.
Türkmenistanda wodorod energetikasyny ösdürmek boýunça pudagara iş toparynyň ikinji mejlisi, sişenbe güni Aşgabatda Türkmenistanyň Daşary işler ministriniň orunbasary Berdiniýaz Mätiýewiň ýolbaşçylygynda geçirildi. Duşuşyga ýurdumyzyň degişli ministrlikleriniň we bölümleriniň ýolbaşçylary we wekilleri gatnaşdylar diýip, Türkmen Daşary işler ministrliginiň saýty habar berýär.
Şawkat Mirziýoýew Özbegistanda geçirilen prezident saýlawlarynda 87.05% ses bilen ýeňiş gazandy. Merkezi saýlaw topary (MST) sişenbe güni Mirziýoýewi ýurt baştutany wezipesine saýlamak hakynda karar kabul etdi – diýip, MST habar berýär.
