Aşgabat şäherinde administratiw işler boýunça kazylaryň 5-nji sebitleýin okuw seminary geçirilýär. Merkezi Aziýa ýurtlarynyň kazyýet ulgamlarynyň wekilleriniň we halkara bilermenleriň gatnaşýan okuw seminary “Administratiw kazyýet jogapkärçiligi we administratiw çäreleriň görnüşleri” diýlip atlandyrylýar.
Emeli intellekt boýunça simfoniýa dünýäde ilkinji gezek Marinskiý teatrynyň Primorskiý sahnasynda ýerine ýetiriler. Emeli aň (AI) üçin konsert 10-njy sentýabrda Wladiwostokda geçiriljek VIII Gündogar ykdysady forumynyň medeni maksatnamasynyň çäginde geçiriler. Ýakynda boljak çäräniň yglan edilmegi Roskongress gaznasynyň web sahypasynda çap edildi.
Geçen ýekşenbe güni Türkmenistanda däp bolan güýzki at çapyşyklara badalga berildi. Paýtagtymyzdaky aýlawda möwsümiň açylmagy mynasybetli aýdym- saz toparlarynyň we estrada atristleriniň konserti ýaýbaňlandyryldy.
Ýurdumyzda ýokary tehnologiýaly damjalaýyn suwaryş ulgamlaryny ilkinji öndürijilerden biri “Türkmen senagat” Hojalyk Jemgyýeti boldy. Ýaňy-ýakynda kärhana gök ekinleri ösdürip ýetişdirende çyglylygy üpjün etmek üçin ýylmanak we tekiz turbalary öndürip başlady.
Türkmenistanda rus dilini okadýan mugallymlar üçin “Daşary ýurt dili hökmünde rus diliniň okatmagy guramak” atly maksatnamasy boýunça okuwlary geçip bilerler. Ony “Rossotrudniçestwo” we Zähmeti goramagyň halkara instituty guraýar.
“Zürýada hyzmat” hususy kärhanasy Balkanabat şäherinde gazlandyrylan alkogolsyz içgileri we arassalanan agyz suwlaryny öndürip başlady. Önümler “Dam-dam” markasy bilen satylýar we günbatar sebitde we ýurduň beýleki sebitlerinde bölek satuw nokatlaryna iberilýär.
Sentýabr aýynda halkara arheologiýa topary gadymy Marguşyň çäklerinde gazuw-agtaryş işlerini gaýtadan dikeltdi. Bu barada Italiýanyň Türkmenistandaky ilçihanasy özüniň sosial ulgamlarynda mälim edýär.
3-nji sentýabrda ýeňil awtomobiller ýüklenen 20 konteýner Türkmenistanyň çäginden geçip, Gazagystana tarap ýola düşdi. Bu konteýner ýükleri eltip bermek hyzmaty ýurdumyzyň «Halkara Gatnaw Logistika» hojalyk jemgyýeti tarapyndan amala aşyrylýar.
Her gün internet ulgamynda wizual görnüşde syýahat edip, dünýäniň täsin ýerlerine, adam eli bilen döredilen gözelliklere syn etmek bolýar. “ORIENT” hem öz gezeginde, Fransiýanyň Etret şäheriniň zehinli adamlarynyň döreden gözelliklerini okyjylaryna görkezmegi makul bildi.
“South China Morning Post” gazetiniň berýän habaryna görä, Hytaýyň alymlary Aýda, asteroidlerde, Marsda we Gün ulgamynyň beýleki obýektlerinde suw buzlaryny we mineral baýlyklary gözlemek, çykarmak we ulanmak üçin ýol kartasyny çap etdiler.
Türkmenistanyň Ylymlar akademiýasynyň Tehnologiýalar merkeziniň energiýa önümçiligi we üpjünçiligi laboratoriýasynyň müdiri, tehniki ylymlaryň kandidaty Meretmuhammet Hudaýberdiýew işdäaçar taýýarlanylanda gerek bolan azyk önümleri öý şertlerinde toprak ulanmazdan ýetişdirmegiň usulyny hödürleýär. Bu usulda kokos gabygynyň süýümleri peýdalanylýar.
“Dunaýdan Orhuna çenli Ýüpek ýoly” ýeňil awtoulaglaryň ilkinji rallisine gatnaşyjylar Tükmenistana geldiler. Olary ýurduň resmi adamlary garşyladylar we paýtagtymyzyň gözel ýerlerine aýlandylar diýip, “Mir” teleýaýlymy habar berýär.
Şu ýylyň brinji ýarymynda Türkmenistan Ýewropa Bileleşiginiň ýurtlaryndan 7,64 million ýewrolyk mineral serişdeleri import etdi. Bu geçen ýylyň degişli döwründe 5,11 million ýewro barabar bolupdy. Bu barada Ýewropanyň Statistika býurosy habar berýär.
Türkmenistanyň Maliýe we ykdysadyýet ministrligi döwlet eýeçiligine degişli 48 desganyň hususy taraplara bäsleşik esasynda satylýandygyny mälim edýär. Bu boýunça degişli bildiriş resmi metbugatda şu gün çap edildi.
Adybir kompaniýa “Samsung Food” hyzmatyny dünýä möçberinde ulanyşa goýberýändigini mälim etdi. Ol emeli intellekte esaslanyp, tagamlary we nygmatlary nähili taýýarlamalydygyny öwredýän hyzmatdyr. Oňa şu gün türkmen milli tagamy – işlekliniň taýýarlanyşy hem girizildi.
