Halkara ulag forumynyň Baş sekretary Kim Ýen Te Merkezi Aziýa boýunça saparynyň çäklerinde Türkmenistana gelmegi maksat edinýär. Bu barada sekretariaty Parižde ýerleşen guramanyň baştutany sişenbe güni Türkmenistanyň Fransiýadaky ilçisi Maksat Çaryýew bilen duşuşygynyň barşynda aýtdy.
1-nji sentýabrdan “Türkmenistan” awiakompaniýasynyň içerki gatnawlarynyň tertibi üýtgär, muňa kompaniýanyň resmi saýtynda şu gün çap edilen gatnaw tertibi şaýatlyk edýär.
Duşenbe güni, 29-njy awgustda Türkmenistanyň Döwlet haryt-çig mal biržasynyň söwdalarynda umumy bahasy $18,1 million we 416,4 müň manat bolan 7 geleşik baglaşyldy diýip, ORIENT-iň habarçysy habar berýär.
“Gazprom” uzakmöhletleýin esasda türkmen gazyny satyn almakda hyzmatdaşlygy giňeltmäge taýýar. Bu boýunça meseleler duşenbe güni Aşgabatda geçirilen gepleşiklerde Türkmenistanyň Prezidenti Serdar Berdimuhamedow we Russiýanyň “Gazprom” APJ-niň başlygy Alekseý Miller tarapyndan ara alnyp maslahatlaşyldy.
Geçen hepde Türkmenistanyň Döwlet haryt-çig mal biržasynyň söwdalarynda umumy bahasy $5,4 million we 14,2 million manat bolan içerki geleşikleriň 20-si baglaşyldy diýip, ORIENT-iň habarçysy habar berýär.
Türkmenistanyň Halk Maslahatynyň Başlygyna Russiýada resmi sapar bilen gelmegine garaşylýar. Bu barada duşenbe güni RF-niň parlamentiniň ýokary palatasynyň ýolbaşçysy Walentina Matwiýenko türkmen kärdeşi Gurbanguly Berdimuhamedow bilen telefon arkaly söhbetdeşliginiň dowamynda aýtdy.
Koronowirus pandemiýasy sebäpli ýapylanyndan 32 aý geçenden soňra, türkmen-eýran serhedinde “Gaudan-Bajygyran” bilelikdäki serhetýaka bazary gaýtadan işläp başlady diýip, Eýranyp KHBS-leri ýazýar.
Türkmenistanyň Prezidenti Serdar Berdimuhamedow "Gazprom" APJ-niň başlygy Alekseý Miller bilen energiýa hyzmatdaşlygy meselelerini ara alyp maslahatlaşdy.
Türkmenistan "Demirgazyk-Günorta" Halkara ulag geçelgesine (INSTC) goşulmagy meýilleşdirýär, şeýlelik bilen, HUG Hazar deňzinde Türkmenbaşy portunyň goşulmagy arkaly goşmaça ugur mümkinçiligini alar.
Stawropol ülkesiniň Türkmen okrugynyň Kenje-Kulak obasynyň ýaşaýjysy Bahtiýar Orazgeldiýew EAGLE FC. ligasynda üçünji gezek yzly-yzyna wagtyndan öň ýeňiş gazandy. Ozal şeýle üstünligi Habib Nurmagomedow gazanypdy.
Şenbe güni, 27-nji awgustda Türkmenistanyň Döwlet haryt-çig mal biržasynda umumy bahasy 906 müň manat bolan içerki geleşikleriň ikisi baglaşyldy diýip, ORIENT-iň habarçysy habar berýär.
Türkmenistanyň ulag toplumynyň wekiliýeti Astrahan oblastyna iş saparyny tamamlady, ozal Aşgabatda sebitiň gubernatory Igor Babuşkin bilen bolan duşuşygyň dowamynda bu babatda ylalaşyk gazanylypdy.
Anna güni, 26-njy awgustda Türkmenistanyň Döwlet haryt-çig mal biržasynyň söwdalarynda umumy bahasy 1 million manatdan gowrak bolan geleşikler baglaşyldy diýip, ORIENT-iň habarçysy habar berýär.
Prezident Serdar Berdimuhamedow hökümetiň ähli agzalaryna 1-nji sentýabrda ýurduň ýokary we orta mekdeplerine baryp hut özleriniň Bilimler we talyp ýaşlar güni bilen gutlamagyny tabşyrdy diýip, resmi türkmen metbugaty ýazýar.
Prezident Serdar Berdimuhamedow Türkmenistanyň Awstriýadaky Adatdan daşary we doly ygtyýarly ilçisi Hemra Amannazarowy BMG-nyň Wenadaky ştab-kwartirasynda Hemişelik wekili, Birleşen Milletler Guramasynyň Senagat ösüşi boýunça guramasynyň (UNIDO) ýanyndaky Türkmenistanyň hemişelik wekili, şeýle hem Ýewropada howpsuzlyk we hyzmatdaşlyk guramasynyň ýanyndaky Türkmenistanyň wekiliýetiniň baştutany wezipelerine belledi.
