Türkmen-Eýran serhedinde “Gaudan-Bajygyran” bilelikdäki bazary gaýtadan işe başlady
Koronowirus pandemiýasy sebäpli ýapylanyndan 32 aý geçenden soňra, türkmen-eýran serhedinde “Gaudan-Bajygyran” bilelikdäki serhetýaka bazary gaýtadan işläp başlady diýip, Eýranyp KHBS-leri ýazýar.
Gümrük paçsyz söwda etmek üçin bu nokat Türkmenistanyň Prezidenti Serdar Berdimuhamedowyň şu ýylyň iýun aýynda Eýrana bolan resmi saparynyň barşynda gazanylan ylalaşyklaryň netijesinde açyldy.
Bazaryň gaýtadan işläp başlamagy bilen baglylykda dabara geçirildi, oňa ýerli ýolbaşçylar hem-de Eýranyň Türkmenistandaky ilçisi Golam Abbas Arbab Hales gatnaşdylar.
Eýran tarapynyň baha bermegine görä, bilelikdäki bazar ýurtlaryň arasyndaky haryt dolanşygyny ýylda $4,5 million derejesinde üpjün etdi, şeýle hem göni ýa-da gytaklaýyn 700-den gowrak iş orunlaryny döretdi.
ORIENT news
