Tatarstanyň Döwlet Geňeşiniň deputatlary respublikanyň konstitusiýasyna sebitiň iň ýokary wezipeli şahsynyň adyny prezidentden "Tatarstan Respublikasynyň baştutany – raisi” adyna üýtgetmek barada girizilen üýtgetmeleriň täze görnüşini kabul etdiler. Bu üýtgetmeler, Tatarstanyň häzirki baştutanynyň ygtyýarlyk möhletiniň gutarýandygyny hasaba almazdan, kabul edilen dessine güýje girer.
GDA-nyň Ýerine ýetiriji komitetinde 2023-nji ýylda GDA ýurtlarynyň Halklarynyň dostluk festiwalyny guramak we geçirmek boýunça iş maslahaty geçirildi. Bu barada Garaşsyz döwletler arkalaşygynyň ýerine ýetiriji komitetiniň internet saýtynda habar berilýär.
– Aziýanyň olimpiýa geňeşi (OCA) rus we belorus türgenlerine Aziýa oýunlaryna gatnaşmagy teklip etdi – diýlip, guramanyň internet saýtynda habar berilýär.
22-nji ýanwarda başlanan aý senenamasy boýunça hytaý Täze ýylyny diňe bir Hytaýyň ýaşaýjylary däl-de, eýsem bütin dünýäde belläp geçýärler. CGTN kanalynyň habar bermegine görä, bahar baýramy bilen bu günlerde birek-biregi Kanadada, Braziliýada, Beýik Britaniýada, Italiýada we beýleki ýurtlarda gutlaýarlar.
2023-nji ýylyň 1-nji ýanwaryndaky ýagdaýa görä, Türkmenistanda internet-bankingi ulanyjylaryň umumy sany 932,7 müňe ýetdi. Muňa ýurduň Merkezi bankynyň saýtynda çap edilen maglumatlar şaýatlyk edýär.
Azerbaýjana ÝB-ne energiýa göterijileriniň eksportyny artdyrmak üçin gerekli bolan tebigy gazyň belli bir möçberi Türkmenistandan elýeterli bolup biler – diýip, ABŞ-nyň Azerbaýjandaky öňki ilçisi Metýu Braýza Trend agentligine beren söhbetdeşliginde aýtdy.
Amerikan kompaniýasy Amazon degişlilikde ikinji we üçünji ýerleri eýelän Apple we Google kompaniýalaryndan geçip, geçen ýylyň jemleri boýunça dünýäde iň gymmat söwda nyşany boldy – diýip, Brand Finance habar berýär.
Aşgabadyň dilleri çuňlaşdyryp öwredilýän ýöriteleşdirilen 87-nji orta mekdebiniň okuwçylary 2023-nji ýylyň başynda geçirilen halkara olimpiadalarynyň birnäçesinde baýrakly orunlaryň eýeleri boldular – diýip, şu gün «Neýtralny Turkmenistan» gazeti ýazýar.
The Last of Us («Biziň birimiz») serialynyň 23-nji ýanwarda çykan ikinji seriýasyna eýýäm 5,7 mln. adam tomaşa etdi, bu bolsa birinji seriýaňka garanda 22% köpdür. Şekilli oýnuň ekranlaşdyrylmagynyň rekord derejedäki ýokary görkezijileri barada HBO striming hyzmaty habar berýär.
Adam söwdasynyň öňüni almak we onuň pidalaryny ýüze çykarmagyň meseleleri BMG-niň Aşgabatdaky Neşeler we jenaýatçylyk baradaky müdirligi (UNP OON) tarapyndan geçirilen seminaryň barşynda ara alnyp maslahatlaşyldy – diýip, Türkmenistanyň Döwlet migrasiýa gullugynyň resmi saýty habar berýär.
2023-nji ýylda Özbegistan türkmen nebitini «Petronas Çarigali (Türkmenistan) Sdn Bhd» kompaniýasynyň üsti bilen satyn alyp başlar. Degişli ylalaşyk «Uzbekneftegaz» PJ-niň wekilleriniň iş sapary bilen respublikada bolýan «Petronasyň» wekiliýeti bilen bolan duşuşygyň çäklerinde gazanyldy.
Ýewropanyň howpsuzlyk we hyzmatdaşlyk guramasynyň ynsan ölçegleri boýunça Komitetiniň nobatdaky mejlisinde Türkmenistanyň wekiliýeti özüniň ileri tutýan ugurlary baradaky beýanat bilen çykyş etdi.
Türkmenistan bilen Azerbaýjanyň arasynda Hazar deňziniň düýbüni çäklendirmek meselesi boýunça bilelikdäki iş topary degişli Ylalaşygyň taslamasyny taýýarlamagyň barşyny ara alyp maslahatlaşdy – diýip, Türkmenistanyň daşary syýasat edarasy habar berýär.
Şu gün hormatly Prezidentimiziň tabşyrygyna laýyklykda, Çoganly ýaşaýyş toplumyndaky Içeri işler ministrliginiň Mälikguly Berdimuhamedow adyndaky kottejler toplumynyň nobatdaky tapgyrynyň açylyş dabarasy geçirildi.
Türkmenistanyň Halk maslahatynyň başlygy iş saparynyň dowamynda Garagum derýasynyň 798-nji kilometrliginde ýerleşýän köprüniň üstünde saklandy. Bu ýerde Ministrler Kabinetiniň Başlygynyň orunbasary, Daşary işler ministri Meredow, Ahal welaýatynyň merkeziniň gurluşygy boýunça döwlet komitetiniň başlygy Orazow, Arkadag şäheriniň häkimi Durdylyýew we Aşgabat şäheriniň Häkimi Gandymow şeýle hem Türkmenistanyň ygtybarly hyzmatdaşy, ýurdumyzda köp ýyllaryň dowamynda iş alyp barýan “ALTKOM” jogapkärçiligi çäkli jemgyýetiň ýolbaşçysy Tislenko hem-de “INTERBUDMONTAŽ” gurluşyk assosiýasiýasynyň baş direktory Petrug başga-da birnäçe wekiller boldular.
