8-nji martda Türkmenistanda Garaşsyz Döwletleriň Arkalaşygyndan türkmen parlamentiniň deputatlarynyň saýlawlarynda işlejek synçylaryň ştaby açylýar - diýip, GDA-nyň baş sekretary Sergeý Lebedew habar berdi. Bu hakda guramanyň ýerine ýetiriji komitetiniň saýty habar berýär.
Türkiýäniň alpinistleriniň topary ýurduň günortasynda we günorta-gündogarynda weýrançylykly ýer titremeleriň netijesinde wepat bolanlaryň hatyrasyna Merkezi Anatoliýanyň iň beýik dagy bolan Erjiýese çykarlar – diýip, Kaýseri welaýatynyň alpinizm boýunça müdirliginiň wekili Ysmaýyl Ýylmaza salgylanyp, Anadolu agentligi habar berýär.
Ilon Mask OpenAl-dan Chat GPT-niň alternatiwasyny döretmek üçin täze barlaghanany döretmek baradaky teklip bilen emeli intellektiň barlagçylaryna ýüzlendi – diýip, Reuters habar berýär.
Hançžouda geçiriljek XIX tomusky Aziýa oýunlary 2022-nji gurnaýjylar köp sportly çäräni hiç hili galyndysyz geçirmek boýunça hereketleriň meýilnamasyny hödürlediler.
Daşoguzly telekeçi, «Laçyn» toý zalynyň eýesi Mergen Allanazarow ene-atasyz galan ýaş adamlara toý dabaralary üçin 750 orunlyk zaly kärendesine bermek boýunça haýyr-sahawat aksiýasyny yglan etdi.
Magtymguly adyndaky Türkmen döwlet uniwersitetiniň talyplary we mugallymlary «Daşary ýurt dillerini okatmakda iň täze tehnologiýalar» temasy boýunça onlaýn-leksiýany diňlediler, olaryň öňünde Moskwanyň M. W. Lomonosow adyndaky döwlet uniwersitetiniň lektory Swetlana Titowa çykyş etdi. Bu barada şu gün «Neýtralnyý Turkmenistan» gazeti ýazýar.
Duşenbe güni, 27-nji fewralda Türkmenistanyň Döwlet haryt-çig mal biržasyndaky söwdalaşyklarda jemi bahasy $2,7 mln amerikan dollaryna we 4,6 mln türkmen manadyna deň bolan 7 geleşik baglaşyldy – diýip, ORIENT-iň habarçysy habar berýär.
1-nji martdan Gonkongyň ýaşaýjylary 2,5 ýyldan bäri ilkinji gezek agyz-burun örtüklerini dakmazdan daşaryda, jemgyýetçilik ulaglarynda we ýapyk binalarda gezip bilýärler. Diňe lukmançylyk edaralary üçin çäklendirmeler saklanyp galýar. Bu barada megapolisiň administrasiýasynyň baştutany Li Szýaçao habar berdi.
1-nji iýuldan başlap Sankt-Peterburgda Belarus Respublikasynyň baş konsullygy işlap başlar – diýip, BelTA habar berýär. Bu çözgüt Milli internet-portalda çap edilen ýurduň Ministrler Sowetiniň 2023-nji ýylyň 23-nji fewralynda kabul eden karary bilen göz öňünde tutulandyr.
Türkiýäniň Superligasynyň 14-nji tapgyrynda «Beşiktaş» we «Antalýaspor» (0:0) toparlarynyň arasyndaky oýunda janköýerler ýurtdaky ýer titremede ejir çeken çagalary goldamak üçin aksiýa geçirdiler –diýip, Sports.ru habar berýär.
«Aziýanyň çagalary» atly II gyşky Oýunlarynda çykyş edýän türkmen ýetginjek türgenleri «Olimpe tarap ýol» bilim maksatnamasyna gatnaşýarlar. Bu barada ORIENT-e ýurduň MOK habar berdi.
«Türkmendemirýollary» agentligi özüniň işgärler bölümini sanly ulgama geçirmek üçin tender bäsleşigini yglan etdi. Bu baradaky bildiriş «Neýtralnyý Turkmenistan» gazetiniň şu günki sanynda çap edildi.
«Altyn Asyr» öýjükli aragatnaşyk operatory Türkmenistanyň üç welaýatynyň birnäçe etraplarynda 4G aragatnaşygynyň işi üçin täze enjam oturtdy. Bu barada ORIENT-e TMCELL-iň wekilleri habar berdiler.
2023-nji ýylyň ýanwar aýynyň jemleri boýunça Özbegistanyň Merkezi Aziýa ýurtlary bilen daşarky söwdasynyň möçberi 8% artdy we $449,7 mln ýetdi – diýip, ýurduň Ykdysady barlaglar we üýtgedip gurmalar merkezine salgylanyp, Ýangi Uzbekiston habar berýär.
Türkmenistan BMG-niň ÝUNIDO senagat ösüşi edarasy bilen gidrohlorftoruglerodlardan tapgyrlaýyn ýüz döndermek boýunça taslamany ýerine ýetirýär – diýip, BMG-nyň Türkmenistandaky wekilhanasynyň metbugat gullugy habar berýär.
