TMDDI-daky mekdep olimpiadasy iňlis dilini iň gowy bilýänleri kesgitledi
D. Azady adyndaky Türkmen milli dünýä dilleri instituty tarapyndan 9-11-nji synp mekdep okuwçylarynyň arasynda iňlis dilinden birinji olimpiada geçirildi, oňa 2282 okuwçy gatnaşdy.
Bäsleşik iki tapgyrda geçdi. Seçip alma bölümi onlaýn formatda geçdi, bu bolsa olimpiada gatnaşýanlaryň sanyny giňeltmäge kömek etdi. Ikinji tapgyra her welaýatdan we Aşgabatdan 25 okuwçy, jemi-150 mekdep okuwçysy geçdi.
Türkmenistanyň diller ugrundan esasy ýokary okuw mekdepleriniň diwarlarynda ýokary synp okuwçylary okamak başarnyklaryny görkezdiler, şeýle hem diňlemek we grammatikadan synagdan geçdiler.
Bilimleriň we başarnyklaryň derejesine institutyň maglumatlar ulgamynyň kömegi bilen hakyky mugallymlaryň mümkin boldugyça az sanynyň gatnaşmagynda baha berildi, bu bolsa olimpidanyň netijelerini obýektiw etmäge mümkinçilik berdi.
Bäsleşigiň ýeňijileri dabaraly ýagdaýda sylaglamak we talyplaryň döredijilik birleşmeleriniň ýatda galyjy çykyşlary bilen tamamlandy. Okuwçylara sylaglary ýokary okuw mekdebiniň prezidiumynyň agzalary we iňlis dili we edebiýaty fakultetiniň dekanlygy gowşurdylar, okuwçylaryň Türkmenistanyň baş lingwistika mekdebine girmäge aýratyn gyzyklanjakdyklaryna umyt bildirdiler.
Şuňa meňzeş olimpiada ilkinji gezekdir, ýöne soňky däldir. Institut rus dili boýunça iň uly we hemmetaraplaýyn olimpiadany geçirmekligiň çäklerinde okuwçylara sabyrsyzlyk bilen garaşýar, onuň birinji tapgyrynyňp jemleri jemlendi. 6-njy maýda institutyň binasynda Puşkiniň dilini söýýän iň gowy okuwçylar kesgitlener.
Olimpiada GDA ýurtlarynda we institut bilen hyzmatdaşlyga gyzyklanma bildiren Aşgabatdaky Rus öýi bilen hyzmatdaşlykda Rus diliniň ýylynda geçirilýändigi bellärliklidir.
Bahargül Aşyrowa
D. Azady adyndaky TMDDI-nyň mugallymy
