Ýakyn wagtda Daşkent howa menzilinde 27 otagly ykjam myhmanhana peýda bolar. Özbegistanda bu görnüşdäki ilkinji myhmanhana howa duralgasynyň täze steril blogynda açylar. Onuň dolandyryşy hünärmen otelýere tabşyrylar - diýip, Podrobno.uz habar berýär.
Argentinanyň ýygyndysynyň we Fransiýanyň “Pari Sen Žermen” toparynyň futbolçysy Lionel Messiniň janköýeri Huan Polkan onuň Pariždäki öýüne çagyrylmazdan öň, 10 sagatlap öýüň öňünde durdy. Bu barada RIA Nowosti Argentinanyň Infobae täzelikler saýtyna salgylanyp, habar berýär.
Gazagystan, degişli teklip berlen ýagdaýynda, Hazar deňziniň gündogar kenar ýakasy boýunça awtoulag ýoluny gurmak meselesini Russiýa we Türkmenistan bilen ara alyp maslahatlaşmaga taýýar. Bu barada Gazagystanyň Senagat we infrastruktura ösüşi ministriniň orunbasary Almaz Idyrysow RIA Nowosti agentligine habar berdi.
Amerikanyň Microsoft kompaniýasy Gazagystanda Merkezi Aziýa, Azerbaýjan, Ermenistan, Gruziýa, Mongoliýa we Pakistan ýurtlaryny öz içine alýan köp sebitli merkez açar. Microsoft-yň işiniň lokallaşdyrylmagy, sebit derejesinde tehnologiýalary we öňdebaryjy çözgütleri özüne çekiji merkeze öwrülmäge mümkinçilik berer, - diýip ICDIAP-yň başlygy Bagdat Musin bilen Microsoft-yň Gazagystanda baş direktory Sergeý Leşenkonyň duşuşygynyň netijesi boýunça Gazagystanyň sanly ösüş, innowasiýa we howa giňişligi senagaty ministrliginiň (ICDIAP) metbugat gullugy tarapyndan duşenbe güni ýaýradan habarynda aýdylýar.
Astanada Geýdar Alyýew adyndaky köçe peýda boldy. Duşenbe güni Gazagystanyň we Azerbaýjanyň Prezidentleri Kasym-Jomart Tokaýew we Ylham Alyýew gazak paýtagtynyň merkezindäki şaýoly dabaraly ýagdaýda açdylar – diýip, Akorda metbugat gullugyna salgylanýan “Kazinform” HHA habar berýär.
Türkmen talyplary ilkinji gezek hususy halkara hukugy we täjirçilik arbitraž boýunça dünýäniň iň abraýly talyp bäsleşigi bolan Willem S. Wies bäsleşigine gatnaşdylar.
Dünýä türkmenleriniň ynsanperwer birleşigi we «Türkmen dünýäsi» gazetiniň redaksiýasy «Arkadagly Serdar bilen ýaşlarymyz bagtyýar» atly edebi bäsleşik geçirýär.
Türkiýäniň Ortaýer deňiz kenary fewraldaky weýrançylykly ýer titremesiniň netijelerine garamazdan, bu tomus syýahatçylaryň köp sanlysyna garaşýar. Bu barada pudagyň hünärmenlerine salgylanyp, China daily habar berýär.
«Türkmen maýa goýum kompaniýasy» ýapyk görnüşli paýdarlar jemgyýeti maýa goýum taslamasy boýunça auditorçylyk we hukuk hyzmatlaryny etmek boýunça Halkara ölçeglerine laýyklykda şu aşakdaky lotlar boýunça halkara tender-bäsleşigini yglan etdi:
Türkmenistanyň Saud Arabystanyndaky ilçisi Orazmuhammet Çaryýew Aýlagyň arap döwletleriniň hyzmatdaşlyk Geňeşiniň baş sekretary Jasem Mohammad Albudaiwini Arkadag şäheriniň açylyşyna çagyrdy – diýip, Türkmenistanyň daşary syýasat edarasynyň saýty habar berýär.
Hyundai Engineering 2023-nji ýylyň 26-27-nji aprelinde Dubaýdaky Hyatt Regency otelinde geçiriljek Türkmenistanyň energetika pudagyna daşary ýurt maýa goýumlaryny çekmek boýunça Halkara forumynyň bürünç hyzmatdaşydyr - diýip, çäräni gurnaýjylar habar berýärler.
GDA-nyň Ýerine ýetiriji komitetiniň goldaw bermeginde Ýolçylaryň hökümetara geňeşi tarapyndan guralýan «Dostluk kerweni» atly iki hepdelik halkara awtoulagly ýöriş Täjigistanyň, Özbegistanyň, Türkmenistanyň, Eýranyň we Ermenistanyň çäginden geçer.
Türkmenistanyň hökümeti we BMG 2021-2025-nji ýyllar üçin durnukly ösüş babatynda hyzmatdaşlygyň Çarçuwalaýyn maksatnamasynyň çäklerinde netijeler boýunça Bilelikdäki toparlaryň duşuşygyny geçirdiler. Bu barada BMG-niň Türkmenistandaky hemişelik wekilhanasynyň saýtynda habar berilýär.
Gazagystanyň maglumatlar we jemgyýetçilik ösüşi ministri Darhan Kydyrali Netflix-iň sebitleýin direktory Aleksandr Long bilen duşuşyk geçirdi, onuň barşynda gazak filmlerini bu platformada ýerleşdirmegiň mümkinçiligine garaldy.
Türkmenistan ýurduň Döwlet statistika komitetiniň ilat statistikasy bölüminiň başlygy Jahan Pygamowanyň adyndan BMG-niň Ilat we ösüş komissiýasynyň 56-njy sessiýasyna wekilçilik etdi - diýlip, Türkmenistanyň BMG-niň ýanyndaky hemişelik wekilhanasynyň saýtynda habar berilýär.
