Türkmenistandan ynsanperwer kömegiň nobatdaky tapgyry Owganystana ugradyldy
Agramy 125 tonna barabar bolan derman serişdeleri we lukmançylyk enjamlary, azyk we dokma önümleri ýüklenen ynsanperwer kerweni Türkmenistandan ykdysady we azyk çökgünligini başdan geçirýän Owganystana baryp ýetdi.
Bu barada türkmen telewideniýesiniň habarlar gepleşiginiň agşamky sanynda habar berildi. Owganystanyň "Pajhwok" habarlar agentligi hem Türkmenistanyň Owganystana million dollarlyk azyk we azyk däl önümler görnüşinde ynsanperwer kömeginiň gelendigini habar berdi.
Ynsanperwer kömegiň nobatdaky tapgyry Türkmenistanyň Prezidenti Serdar Berdimuhamedowyň Karary bilen ugradyldy. Ynsanperwerlik çäreleriniň bir bölegi hökmünde 2016-njy ýylda Hyrat welaýatynyň Turgundy obasynda Türkmenistan tarapyndan gurlan çaga dogrulýan öýünde lukmançylyk-maslahat beriş kömegini amala aşyrmak üçin şu ýylyň 15-nji maýynda Türkmenistanyň lukman işgärleriniň bir topary şol ýerik ugrar.
ORIENT news
