Türkiýäniň Türkmenistandaky ilçihanasy ýurduň baştutanynyň weýrançylykly ýer titremede heläk bolanlaryň hatyrasyna umumymilli matam diýip yglan etmegi sebäpli baýdaklary aşak düşürdi.
Türkiýäniň günortasynda ýerleşýän Kahramanmaraş welaýatynyň Pazarjyk etrabynda magnitudasy 7,4 ball bolan uly ýer titreme bolup geçdi – diýip, Adatdan daşary ýagdaýlaryň öňüni almak we ýok etmek baradaky müdirligiň (AFAD) habaryna salgylanyp, Anadolu agentligi habar berýär.
Betbagtçylykly ýer titremesinden soňra Türkiýede we Siriýada halas ediş işleri dowam edýär – diýip, köpçülikleýin habar beriş serişdeleri habar berýär.
Turkish airlines milli awiakompaniýasy halas ediş toparlaryny güýçli ýer titremeleri bolan Kahramanmaraş welaýatyndaky betbagtçylyk zolagyna tiz eltmek üçin goşmaça uçuşlary taýýarlaýar. Bu barada Anadolu agentligi awiakompaniýanyň metbugat gullugynyň baştutanyna salgylanyp, habar berýär.
“Şu ýyl “Ýewropa Bileleşigi-Merkezi Aziýa” ykdysady forumy Almaty şäherinde geçiriler” – diýlip, Gazagystanyň Daşary işler ministri Muhtar Tleuberdi bilen ÝB-niň Daşary gatnaşyklar we howpsuzlyk syýasaty boýunça ýokary wekili Jozep Borrelliň bilelikdäki beýanatynda aýdylýar.
Ýokary derejede ikitaraplaýyn saparlary guramagyň meseleleri Türkmenistanyň Sloweniýa Respublikasyndaky ilçisi Batyr Nyýazlyýewiň (rezidensiýasy Moskwada) Sloweniýanyň DIM-niň wekilleri bilen Lýublýanada geçen duşuşygynyň barşynda ara alnyp maslahatlaşyldy. Bu barada Türkmenistanyň RF-daky ilçihanasynyň saýty habar berýär.
Türkmenistanyň Daşary işler ministriniň täze orunbasary Mähri Bäşimowa boldy. Degişli karara sişenbe güni Türkmenistanyň Prezidenti Serdar Berdimuhamedow gol çekdi – diýip, TDH habar berýär.
BMG-niň Merkezi Aziýa boýunça öňüni alyş diplomatiýasynyň sebitleýin merkezi zorlukly ekstremizmiň öňüni almak we terrorçylyga garşy göreşmek strategiýasyny durmuşa geçirmekde Türkmenistana mümkin bolan goldawy bermek boýunça brifing gurnady. Bu barada Türkmenistanyň Döwlet migrasiýa gullugynyň resmi saýty habar berýär.
Ýewropadaky iň uly tebigy gaz saklaýjy desgalarynyň birinde Germaniýanyň Redeninde ýangyn ýüze çykdy, şol sebäpli hem onuň işlemesi 2-nji fewral güni agşama çenli togtadyldy. Heläkçilik barada gaz saklaýjy desganyň operatory Astora habar berdi.
Aşgabada bolan saparynyň çäklerinde Türkmenistanyň parlamentinde (Mejlisinde) çykyş etmek bilen, Russiýanyň Döwlet Dumasynyň başlygy Wýaçeslaw Wolodin «Hazar bäşligi» parlament formatynyň döredilmeginiň möhümdigini belledi – diýip, «RIA Nowosti» habar berýär Döwlet Dumasynyň başlygynyň sözlerine görä, bu bäş Hazarýaka döwletleriniň – Türkmenistanyň, Russiýanyň, Azerbaýjanyň, Gazagystanyň we Eýranyň baştutanlarynyň öňki gazanan ylalaşyklarynyň iş ýüzünde amala aşyrylmagyna ýardam eder.
Türkmenistanyň Parlamentiniň (Mejlisiniň) başlygy Gülşat Mämmedowa Aşgabatda Döwlet Dumasynyň başlygy Wýaçeslaw Wolodin bilen duşuşygynyň dowamynda Russiýanyň Döwlet Dumasynyň deputatlaryny ýurtdaky öňde duran parlament saýlawlarynda synçy hökmünde gatnaşmaga çagyrdy – diýip, DD-nyň saýty habar berýär.
Türkmenistanyň we Russiýanyň parlamentleriniň hyzmatdaşlygy Türkmenistanyň Prezidenti Serdar Berdimuhamedowyň RF-nyň Döwlet Dumasynyň başlygy Wýaçeslaw Wolodin bilen duşuşygynda esasy tema boldy - diýip, RF-nyň DD-nyň resmi saýtynda habar berilýär.
Ahal welaýatynyň «Artyk» gümrük nokady Watan gorgaçylarynyň gününiň baýram edilmegine bagyşlanyp geçirilen bäsleşikde «Ýylyň gümrük posty» diýlip yglan edildi – diýip, Türkmenistanyň Döwlet gümrük gullugynyň saýtynda habar berilýär.
Türkmenistanyň daşary işler ministrligi anna güni irden Azerbaýjanyň Eýrandaky ilçihanasynyň üstüne edilen ýaragly hüjümi ýazgaryp, çykyş etdi.
Ro-Pax görnüşli Azerbaýjanyň «Zarifa Aliýewa»parom-gämisi Türkmenbaşynyň deňiz portuna özüniň ilkinji ýüzüşini amala aşyrdy.
