Türki döwletleriň guramasynyň Baş sekretary Kuwaniçbek Omuraliýew Awazada geçen «Türkmenistan-Azerbaýjan-Türkiýe» sammitiniň netijelerini makullady we ony ähmiýetli waka diýip atlandyrdy – diýip, Anadolu agentligi ýazýar.
Daşary işler ministrleriniň "Merkezi Aziýa+Ýaponiýa" formatyndaky duşuşygy 24-nji dekabrda Tokioda geçiriler. Bu hasap boýunça dokuzynjy duşuşyk bolar we Ýaponiýanyň Daşary işler ministri Haýasi Ýesimasanyň başlyklyk etmeginde Iikura öýünde geçiriler. Bu barada Ýaponiýanyň Daşary işler ministrliginiň metbugat beýanatynda habar berilýär.
Türkiýäniň prezidenti Taýyp Ärdogan Türkiýäniň rus we türkmen gazyny Ýewropa ibermek mümkiçiligine eýedigini aýtdy, munuň özi Ankara üçin möhüm ädimdir. Bu barada RIA Nowosti habar berýär.
Penşenbe güni Gazagystanyň parlamentiniň Senatynyň (ýokarky palatasynyň) deputatlary Türkmenistan bilen raýat goranyşy, adatdan daşary ýagdaýlaryň öňüni almak we ýok etmek babatynda hyzmatdaşlyk etmek baradaky hökümetara şertnamany tassykladylar. Bu barada RIA Nowosti agentligi habar berýär.
Azerbaýjanyň prezidenti Ilham Aliýew aýaly Mehriban Aliýewa bilen kärdeşleri Türkmenistanyň Prezidenti Serdar Berdimuhamedow we Türkiýäniň prezidentiRejep Taýyp Ärdogan bilen birinji üçtaraplaýyn sammite gatnaşmak üçin resmi sapar bilen Türkmenistana geldi. Bu barada Azerbaýjan Respublikasynyň döwlet baştutanynyň resmi saýtynda habar berilýär.
Türkmenistanyň Prezidenti Serdar Berdimuhamedow ýurdumyzyň nebitgaz toplumynyň zähmetkeşlerini we geologiýa pudagynyň işgärlerini hünär baýramçylygy — Türkmenistanyň nebitgaz senagaty we geologiýa işgärleriniň güni bilen gutlady. Gutlaglar şu gün resmi türkmen metbugaty tarapyndan çap edildi.
Türkmenistanyň Prezidenti Serdar Berdimuhamedow bilen Türkiýäniň Prezidenti Rejep Taýyp Ärdoganyňararsynda şu gün «Türkmenistan-Azerbaýjan-Türkiýe» üçtaraplaýyn sammitiniň öňüsyrasynda ikitaraplaýyn duşuşyk geçirildi. Bu barada TDH agentligi habar berýär.
Türkmenistanyň, Türkiýäniň we Azerbaýjanyň döwlet Baştutanlarynyň sammitiniň öňüsyrasynda Awazada ikitaraplaýyn duşuşyklar geçirildi
Türkmenistanyň Prezidenti Serdar Berdimuhamedow we Azerbaýjanyň prezidenti Ilham Aliýew Awazada geçirilen türkmen-azerbaýjan-türk birinji üçtaraplaýyn Sammitiniň öňüsyrasynda ikitaraplaýyn duşuşygyň dowamynda energiýa pudagyndaky hyzmatdaşlygy ara alyp maslahatlaşdylar. Bu barada TDH agentligi habar berdi.
Türkmenistan, Azerbaýjan we Türkiýe awtoulagda ýük daşaýjylarynyň işini kämilleşdirmek üçin wiza bermegiň gurallaryny ösdürmegi maksat edinýärler. Bu başlangyç üç ýurduň ulag edaralarynyňýolbaşçylarynyň Awazada döwlet baştutanlarynyň sammitiniň öňüsyrasynda geçirilen maslahatynda ara alnyp maslahatlaşyldy. Bu barada TDH agentligi habar berdi.
Baku Ýerewan bilen özara bähbitli hyzmatdaşlygy ýola goýmaga taýýardygyny we eýýäm iki ýurduň arasyndaky gatnaşyklary ýola goýmak baradaky şertnamanyň täzelenen tekstini Ermenistana iberipdir. Bu barada Azerbaýjanyň Daşary işler ministri Jeýhun Baýramow Türkmenistanyň we Türkiýäniň Daşary işler ministrleri bilen Awazada geçirilen duşuşygynda belledi. Bu barada TASS agentligi habar berýär.
Türkmenistan Türki döwletleriň guramasynyň (TDG) çärelerini we ýokary derejedäki duşuşyklary geçirmäge gyzyklanma bildirýär. Bu barada anna güni geçirilen Türkmenistanyň Ministrler Kabinetiniň giňişleýin mejlisinde Prezident Serdar Berdimuhamedow nygtady – diýip, TDH agentligi ýazýar.
Türkmenistanyň Prezidenti Serdar Berdimuhamedow Annamyrat Saryýewi Aşgabat şäher kazyýetiniň kazysy wezipesine bellemek hakynda Permana gol çekip, ony Mary welaýatynyň Baýramaly şäher kazyýetiniň başlygy wezipesinden boşatdy.
“Awaza” kongresler merkezinde Türkmenistanyň prezidenti Serdar Berdimuhamedowyň, Türkiýäniň prezidenti Rejep Taýyp Ärdoganyň hem-de Azerbaýjanyň prezidenti Ilham Aliýewiň gatnaşmagynda geçirilen dabarada üç ýurduň arasynda söwda, ylym, bilim, medeniýet, gümrük, energetika we ulag ulgamlarynda ylalaşyklara gol çekildi.
Türkmenistan we Eýran hökümetara gatnaşyklaryny has-da giňeltmek, şeýle hem nebit-gaz pudagy, elektrik energiýasy pudagy, suw gurşawy we ekologiýa meselelerinde hyzmatdaşlygy ösdürmegiň ýollaryny tapmak barada ylalaşdylar.
