Aşgabatda Durnukly ulag boýunça ilkinji global konferensiýanyň geçirilýän güni – 2016-njy ýylyň 26-njy noýabry Bütindünýä durnukly ulag güni diýlip yglan edildi. Bu günüň yglan edilmegi baradaky rezolýusiýa, BMG-nyň Baş Assambleýasy tarapyndan 2023-nji ýylyň 16-njy maýynda Baş Assambleýanyň 77-nji mejlisiniň 70-nji umumy mejlisinde kabul edildi.
Çarşenbe güni Türkmenistanyň Daşary işler ministriniň orunbasary Mähri Bäşimowa Serbiýa Respublikasynyň ilçisi Momçilo Babiçiň ynanç hatynyň nusgalaryny kabul etdi.
Russiýa Federasiýasynyň Türkmenistandaky täze ilçisi Iwan Wolynkin çarşenbe güni Daşary işler ministriniň wezipesini wagtlaýyn ýerine ýetiriji Wepa Hajyýewe şahsyýetnamasynyň nusgalaryny gowşurdy.
Türkmen bilermenleri 16-njy maýda Bakuda geçen «Üýtgeýän we çylşyrymly bütindünýä kontekstinde Goşulyşmazlyk hereketi» halkara simpoziumyna gatnaşdylar. Forum Azerbaýjanyň Daşary işler ministrligi, halkara gatnaşyklaryny Seljerme Merkezi we LINKS Europe bilen bilelikde gurnaldy we GH-niň onlarça ýurdunyň wekillerini ýygnady.
Hytaýyň Sian şäheriniň belent ymaratlary «Merkezi Aziýa-Hytaý» birinji ýüzbe-ýüz sammitiniň myhmanlaryny garşylaýan iýeroglifleriň şekilleri düşürilen illýuminasiýalar bilen öwşün atdylar – diýip, CGTN habar berýär.
Merkezi Aziýa ýurtlary we Hytaý bilelikdäki Işewürlik geňeşini esaslandyrarlar. Bu barada halkara söwdasyna goldaw bermek boýunça Hytaý geňeşiniň wekili Ýan Sýaszýun beýan etdi – diýip, «Sinhua» MA habar berýär.
16-njy maýda BMG-niň Baş Assambleýasynyň Türkmenistan tarapyndan başlangyç berlen gün tertibiniň 61-nji bendi «Merkezi Aziýada parahatçylygyň, ynamyň we hyzmatdaşlygyň zolagy» boýunça çekişmeleri boldy. Bu barada Türkmenistanyň BMG-niň ýanyndaky hemişelik wekilhanasynyň saýtynda habar berilýär.
17-nji maýda Gazagystanyň prezidenti Kasym-Žomart Tokaýew öz doglan gününi belleýär. Ol 70 ýaşady.
Sişenbe güni Aşgabat şäherinde «Bitarap döwletleriň ÝHHG-nyň sebitinde howpsuzlygy, durnuklylygy we dialogy berkitmekde tutýan orny» atly halkara forum geçirildi. Bu çäre, Türkmenistanyň Mejlisi we Ýewropadaky howpsuzlyk we hyzmatdaşlyk Guramasynyň Assambleýasy (ÝHHG-nyň PA) tarapyndan «Herekete çagyryş – Helsinki +50» başlangyjynyň çäginde gurnaldy.
Sişenbe güni Türkmenistanyň Prezidenti Serdar Berdimuhamedow Aşgabada “ÝHHG-niň çäginde howpsuzlygy, durnuklylygy we dialogy berkitmekde bitarap döwletleriň orny” atly halkara maslahata gatnaşmak üçin gelen Ýewropada Howpsuzlyk we Hyzmatdaşlyk Guramasynyň Parlament Assambleýasynyň ýolbaşçysy Margareta Sederfeldi kabul etdi.
«Biz ÝUNESKO bilen hyzmatdaşlygy ösdürmäge jogapkärçilikli we yzygiderli çemeleşýäris», - diýip Prezidentimiz Serdar Berdimuhamedow duşenbe güni Tährandaky ÝUNESKO-nyň klaster edarasynyň başlygy, ÝUNESKO-nyň Türkmenistanda we Eýranda wekili Golda El-Huri bilen bolan duşuşygynda aýtdy. Şeýle hem myhman BMG-nyň bilim, ylym we medeniýet boýunça edarasynyň Türkmenistan bilen hyzmatdaşlygyny ösdürmek islegini belläp geçdi.
Türkmenistanyň Halk Maslahatynyň Başlygy Gurbanguly Berdimuhamedow bilen Täjigistanyň Prezidenti Emomali Rahmonyň arasynda telefon söhbetdeşligi geçirildi.
Türkiýäniň häzirki prezidenti Rejep Taýyp Ärdogan prezident saýlawlarynyň birinji tapgyrynda ýurduň içinde býulletenleriň 100% sanalmagynyň netijeleri boýunça sesleriň 49,35% aldy. Ikinji ýerde — oppozisiýadan ýeke-täk dalaşgär Kemal Kiliçdaroglu sesleriň 45% aldy. Üçünji ýerde — «Alýans ATA-dan» dalaşgär Sinan Ogan sesleriň 5,22% aldy.
Hytaý Halk Respublikasynyň Prezidentiniň ýörite wekili, Daşary işler ministriniň birinji orunbasary Ma Çžaosýu, 18-19-njy maýda geçiriljek Merkezi Aziýa + Hytaý sammitine gatnaşmak üçin Si Szinpiniň adyndan Türkmenistanyň Prezidentine çakylyk berdi. Türkmenistanyň Baştutanynyň hytaý diplomaty bilen duşuşygy 13-nji maý, şenbe güni geçirildi.
Aşgabat 16-njy maýda «Bitarap döwletleriň ÝHHG-nyň çäginde howpsuzlygy, durnuklylygy we dialogy berkitmekde tutýan orny» atly halkara forumy kabul eder. Bu çäre Ýewropadaky Howpsuzlyk we Hyzmatdaşlyk Guramasynyň Parlament Assambleýasy bilen bilelikde geçirilýär. Türkmen hökümetiniň anna güni geçirilen mejlisinde bu barada Mejlisiň başlygy Dünýägözel Gulmanowa habar berdi.
