«Türkmenistanyň Ulag-logistika merkezi» açyk görnüşli paýdarlar jemgyýeti deslapky maglumat-üstaşyr deklarasiýalary (DM) resmileşdirmek boýunça hyzmatlary tölegli esasda (nagt, nagt däl) ýerine ýetirýändigini habar berýär.
Aşgabatda ýangyç-energetika toplumy boýunça hyzmatdaşlygy ösdürmäge gönükdirilen Türkmenistanyň we Özbegistanyň wekilleriniň arasynda duşuşyklar geçirildi. TDH-nyň habar bermegine görä, Özbegistanyň wekiliýetine Energetika ministri Žurabek Mirzamahmudow ýolbaşçylyk etdi.
“Dragon Oil” (BAE) direktorlar Geňeşiniň başlygy Said Mohammed Al Taýýer Aşgabatda Türkmenistan bilen nebit-gaz hyzmatdaşlygyny ösdürmek meselelerini ara alyp maslahatlaşdy.
Türkmenistanyň, Gazagystanyň, Gyrgyzystanyň we Täjigistanyň gümrük gulluklarynyň zenan hünärmenleri Birleşen Milletler Guramasynyň Neşe we jenaýatçylyk baradaky Müdirliginiň Zenan torlarynyň Ählumumy Maksatnamasynyň we Bütindünýä gümrük guramasynyň “Konteýnerli daşamalara gözegçilik etmek boýunça” Ählumumy Maksatnamasynyň çäklerinde gurnalan Taýlanda sapary amala aşyrdylar.
Türkmenistanyň Halk Maslahatynyň Başlygy Gurbanguly Berdimuhamedowyň ýolbaşçylygynda türkmen wekiliýetiniň Tährana amala aşyran iş saparynyň dowamynda 28-nji awgustda Türkmenistanyň Döwlet gümrük gullugynyň ýolbaşçylary Eýran Yslam Respublikasynyň Gümrük dolandyryşynyň ýolbaşçylary bilen duşuşyk geçirdiler.
Golaýda geçiriljek Türkmenistanyň maýa goýum forumy (TIF 2024) bilen bir wagtda möhüm wakany öz içine alýan çäreni ýagny Birleşen Milletler Guramasynyň we Türkmenistanyň Hökümetiniň Bilelikdäki bilermenler toparynyň mejlisini geçirmegi meýilleşdirilýär. Duşuşygyň mowzugy Türkmenistanda Durnukly ösüş maksatlaryna (DÖM) ýetmek üçin Toplumlaýyn milli maliýeleşdiriş ulgamynyň (TMMU) döredilmegi bolar. Bu çäre, esasy döwlet edaralarynyň wekillerini, halkara guramalaryny we bilermenlerini bir ýere jemläp, ýurtda Durnukly ösüş maksatlaryna netijeli ýetmegiň ýollaryny we strategiýalaryny ara alyp maslahatlaşar.
Ministrligiň habar bermegine görä, Owganystayň dag-magdan we nebit senagatynyň ministriniň wezipesini ýerine ýetiriji Hedaýatulla Badri çarşenbe güni öz ýurdunyň wekiliýetine ýolbaşçylyk edip, Türkmenistana sapar bilen geldiler.
10-11-nji sentýabr aralygynda Aşgabatda geçiriljek TIF-2024 Türkmenistanyň Maýa goýum maslahatyna gatnaşmak üçin 10-a golaý rus kompaniýalary bellige alyndy.
Bişkekde Türkmenistanyň Adatdan daşary we doly ygtyýarly ilçisi Nury Golliýew bilen Gyrgyzystan Respublikasynyň Ykdysadyýet we söwda ministri Daniýar Amangeldiýewiň arasynda 27-nji awgustda bolup geçen duşuşygynyň dowamynda ikitaraplaýyn gatnaşyklarynyň we sebit hyzmatdaşlygynyň esasy başlangyçlary we taslamalary ara alnyp maslahatlaşyldy.
Türkmenistan Tatarystany sement we beýleki gurluşyk materiallary bilen üpjün etmäge taýýar. Bu barada 27-nji awgustda Kazanda geçirilen Söwda-ykdysady, ylmy-tehniki we medeniýet hyzmatdaşlygy boýunça türkmen-tatar iş toparynyň 9-njy mejlisinde Türkmenistanyň Maliýe we ykdysadyýet ministri Serdar Joraýew habar berdi.
Türkmenistan we Tatarystan oba hojalyk önümlerini gaýtadan işlemek boýunça bilelikdäki kompaniýalaryny döretmek mümkinçiliklerini ara alyp maslahatlaşýarlar. Oba senagat toplumy pudagynda hyzmatdaşlyk boýunça garşylykly teklipler barada Söwda-ykdysady, ylmy-tehniki we medeniýet hyzmatdaşlygy boýunça türkmen-tatar iş toparynyň bilelikdäki 9-njy mejlisinde habar edildi.
27-nji awgust, sişenbe güni Kazan şäherinde geçirilen söwda-ykdysady, ylmy-tehniki we medeni hyzmatdaşlyk boýunça türkmen-tatar iş toparynyň maslahatynda Türkmenistanda lukmançylyk polipropilenini öndürmek meselesi, Arkadag şäherinde fiziki erginini we derman serişdelerini öndürmek üçin lukmançylyk senagaty klasterini döretmek meseleleri ara alnyp maslahatlaşyldy.
27-nji awgust, sişenbe güni Kazanda geçirilen Söwda-ykdysady, ylmy-tehniki we medeniýet hyzmatdaşlygy boýunça türkmen-tatar iş toparynyň bilelikdäki mejlisinde “Kamaz” Daşary söwda kompaniýasy paýdarlar jemgyýetiniň sebit direktory Marat Garifullin “Kamaz” kompaniýasynyň Türkmenistanda önümçiligi ýola goýmagy teklip edýändigi barada aýdyp geçdi.
Türkmenistanyň Dokma senagaty ministrliginiň wezipeli işgärlerinden we döwlet dokma fabrikleriniň ýolbaşçylaryndan ybarat wekiliýet Günorta Koreýa saparynyň dowamynda Inçhondaky KISCO korporasiýasynyň kärhanasyna baryp gördi.
Şenbe güni Hökümet hepdeligi mynasybetli geçirilen Habar beriş serişdeleriniň maslahatynda Eýranyň demirgazyk welaýaty Golestanyň gubernatory Inçeburun erkin ykdysady zolagyndan söwda harytlarynyň eksportuna ygtyýarnamanyň berilendigi barada habar berip, şeýle belledi: “Biz Türkmenistan bilen bilelikdäki erkin ykdysady zolagynyň döredilmegi barada geňeşmeleri geçirýäris”.
