“Demirýollary” Açyk görnüşli paýdarlar jemgyýeti Hytaýyň CRRC Ziyang CO., LTD. kompaniýasyndan 15 sany täze dizel lokomotiwini satyn aldy – diýip, ORIENT-iň habarçysy habar berýär.
BMG-nyň Türkmenistandaky ähli agentlikleriniň taslamalaryny maliýeleşdirmek üçin taraplaryň arasyndaky gatnaşyklaryň netijeliligini ýokarlandyrmagy üpjün edýän bitewi ýurt gaznasyny döretmek meýilleşdirilýär.
Anna güni, 16-njy sentýabrda Türkmenistanyň Döwlet haryt-çig mal biržasynyň söwdalarynda umymy bahasy $6,3 million bolan 4 geleşik baglaşyldy diýip, ORIENT-iň habarçysy habar berýär.
Samarkantda Şanhaý Hyzmatdaşlyk Guramasynyň sammitiniň çäklerinde geçirilen ikitaraplaýyn duşuşykda Gazagystanyň Prezidenti Kasym-Jomart Tokaýew we Eýranyň lideri Ybraýym Raisi geljekde üstaşyr gatnawy has-da artdyrmak üçin Gazagystan-Türkmenistan-Eýran demir ýolunyň mümkinçiliklerini ösdürmegiň wajypdygyny bellediler.
Türkmenistan ŞHG bilen söwda-ykdysady hyzmatdaşlygy giňeltmek üçin açyk we munuň üçin diňe bir anyk mümkinçilikler däl, eýsem obýektiw zerurlyk hem bar diýip, Prezident Serdar Berdimuhamedow ŞHG agza ýurtlaryň Baştutanlarynyň giňişleýin geňeşiniň mejlisinde aýtdy, mejlise türkmen Lideri hormatly myhman hökmünde gatnaşdy.
Ýewropa Bileleşiginiň maliýe taýdan goldaw bermeginde Ýewropanyň täzeleniş we ösüş banky Aşgabatda işgär gözlegi meselelerine we hususy kompaniýalar üçin hünärmenleri taýýarlamak mümkinçiliklerine bagyşlanan çäreleriň tapgyryny geçirdi.
Penşenbe güni, 15-nji sentýabrda Türkmenistanyň Döwlet haryt-çig mal biržasynyň söwdalarynda umymy bahasy $21,5 million we 18,5 million manat bolan 20 geleşik baglaşyldy diýip, ORIENT-iň habarçysy habar berýär.
Samarkantda ŞHG-niň sammitiniň çäklerinde HHR-niň Başlygy Si Szinpin Türkmenistanyň Prezidenti Serdar Berdimuhamedow bilen duşuşygynyň barşynda türkmen tarapynyň Türkmenistan-Hytaý gaz geçirijisiniň dördünji şahasyny gurmak baradaky teklibini goldady diýip, şu gün resmi türkmen metbugaty ýazýar.
Çarşenbe güni, 14-nji sentýabrda Türkmenistanyň Döwlet haryt-çig mal biržasynyň söwdalarynda umymy bahasy $1,4 million we 76,1 million manat bolan 15 geleşik baglaşyldy diýip, ORIENT-iň habarçysy habar berýär.
ŞHG-niň sammitiniň çäklerinde geçirilen duşuşygyň dowamynda Türkmenistanyň we Özbegistanyň Prezidentleri Serdar Berdimuhamedow hem-de Şawkat Mirziýoýew ýurtlaryň arasyndaky söwda-ykdysady hyzmatdaşlygyň oňyn depginini bellediler diýip, Özbegistan Respublikasynyň Prezidentiniň saýty habar berýär.
Russiýa Federasiýasynyň Prezidenti Wladimir Putin ŞHG sammitiniň çäginde Türkmenistanyň lideri Serdar Berdimuhamedow bilen bolan duşuşygynda: - “Russiýa Türkmenistan bilen söwda-ykdysady gatnaşyklary täze derejä çykarmak isleýär” – diýdi.
Sişenbe güni, 13-nji sentýabrda Türkmenistanyň Döwlet haryt-çig mal biržasynyň söwdalarynda suwuklandyrylan gaz we ýokary dykyzlykly polietilen uly islegden peýdalandy diýip, ORIENT-iň habarçysy habar berýär.
Ulag-logistika hyzmatdaşlygy çarşenbe güni Özbegistanyň Prezidenti Şawkat Mirziýoýew bilen Eýranyň lideri Ybraýym Raisiniň arasynda geçirilen gepleşikleriň mowzuklaryndan biri boldy.
2022-nji ýylyň ýanwar-iýul aýlary aralygynda Türkmenistandan Gyrgyzystana 1,2 milliard kilowat-sagat elektrik energiýasy ugratdy diýip, Gyrgyzystanyň ýerli metbugaty ýurduň Milli statistika komitetine salgylanyp habar berýär.
Şu ýylyň geçen ýedi aýynda Hytaý bilen Türkmenistanyň arasyndaky söwda dolanyşygy 53,4% ýokarlandy. Bu san HHP-nyň Baş gümrük gullugynyň berýän maglumatlaryna salgylanýan “China Daily” neşiriniň 12-nji sentýabrda çap edilen sanyndaky "Hytaý Merkezi Aziýa ýurtlary bilen gatnaşyklary berkidýär" atly makalasynda getirildi.
