Türkmenistanyň administratiw hukuk bozulmalary kodeksine bilkastlaýyn galp mahabat barada 312<sup>1</sup> maddasy goşuldy. Degişli üýtgetme hakyndaky kanun şu gün resmi türkmen metbugatynda çap edildi we 2023-nji ýylyň 1-nji ýanwaryndan güýje girýär.
2022-nji ýylyň başyndan bäri Türkmenistan-Hytaý gaz geçirijisi arkaly Hytaýa 40 milliard kub metrden gowrak tebigy gazy eksport edildi. Bu barada PipeChina West Pipeline kompaniýasy habar berýär.
Anna güni 25-nji noýabrda Türkmenistanyň Döwlet haryt we çig mal biržasynyň söwdalaşyklarynda ýerli telekeçi granulirlenen tehniki kükürdi satyn almak barada şertnama baglaşdy. Bu barada ORIENT-iň habarçysy habar berýär.
Türkmenistanyň gümrük işgärleri gümrük hyzmatdaşlygyny ösdürmek we serhetlerde ýokary derejeli hyzmaty üpjün etmek üçin daşary ýurtly kärdeşleri bilen özara gepleşikleri geçirdiler. Bu barada Türkmenistanyň Döwlet gümrük gullugynyň Hukuk we halkara gatnaşyklary bölüminiň uly gözegçisi Çemengül Baýramowa «Neýtralnyý Türkmenistan» gazetine beren interwýusynda gürrüň berdi.
Halkara söwda merkezi tarapyndan durmuşa geçirilýän «Ready4trade» taslamasy Türkmenistanyň telekeçileri üçin eksporty dolandyrmak we serhetüsti amallaryny berjaý etmek boýunça okuw geçirdi. Taslama Ýewropa Birleşigi tarapyndan maliýeleşdirilýär.
Ýewropa ýurtlarynyň 10-sy Azerbaýjanyň tebigy gazynyň import edilip başlanylmagyna we artdyrylmaga uly gyzyklanma bildirýär. Bu barada Trend habarlar agentligi prezident Ylham Alyýewiň «Ortaky geçelgäniň ugry boýunça: geosyýasat, howpsuzlyk we ykdysadyýet» atly maslahatyň jemleri boýunça çykyşyndan soň aýdan sözlerine salgylanyp habar berýär.
Owganystan söwdany giňeltmek we ýerli senagaty ösdürmek maksady bilen, Merkezi Aziýanyň üsti bilen Ýewropa harytlaryň eksportyny artdyrýar. Bu barada Bahtar habarlar agentligi habar berýär.
Özbegistan kriptopullary alyş-çalyş etmek babatda hyzmatlary hödürleýänleriň ikisine ilkinji ygtyýarlylandyrmalary berdi.
«Türkmenenergo» döwlet elektroenergetika korporasiýasy goňşy ýurtlara elektrik energiýasynyň eksportyny artdyrdyrmak üçin bar bolan şertnamalara goşmaça şertnamalary baglaşar.
24-nji noýabrda penşenbe güni Türkmenistanyň Döwlet haryt we çig mal biržasynyň söwdalaşyklarynda jemi bahasy 16,9 million amerikan dollary we 3 million TMT bolan 28 geleşik baglaşyldy. Bu barada ORIENT-iň habarçysy habar berýär.
Merkezi we Günbatar Aziýa ýurtlary sebitiň COVID-19 pandemiýasyndan soň gaýtadan dikeldilmegini çaltlaşdyrmak, azyk howpsuzlygyny ýokarlandyrmak we ekologiýa taýdan arassa energiýany ösdürmegi üpjün etmek boýunça üç sany serhetara hyzmatdaşlyk ugrundaky başlangyçlaryny tassykladylar.
«Türkmengaz» döwlet konserni, «Döwletabat» gaz käninden çykarylýan tebigy gazyň içerki sarp edijilere hem-de daşarky bazarlara bökdençsiz we ygtybarly iberilmegi üçin «Döwletabat-3» we «Döwletabat-2A» gaz gysyjy desgalarynda oturdylan gaz generatorlaryny düýpli abatlamagy meýilleşdirýär.
Türkmenistanyň Milli Geňeşiniň ýokarky palatasynyň Başlygy Gurbanguly Berdimuhamedow häzirki wagtda dünýädäki ykdysady kynçylyklara garamazdan, Türkmenistanyň banklaryna, kärhanalaryna we maliýe ulgamyna goldaw bermek meselesiniň ileri tutulmalydygyny aýratyn belledi. Bu barada TDH döwlet habarlar agentligi Türkmenistanyň Halk Maslahatynyň Milli Geňeşiniň mejlisiniň jemleri boýunça habar berýär.
«Demirýollary» AGPJ we «Uzbekiston temir ýullari» paýdarlar jemgyýetiniň ýolbaşçylary we hünärmenleri Daşkentde geçirilen duşuşykda Türkmenistan bilen Özbegistanyň arasyndaky ýük dolanyşygynyň ýokarlandyrmagyň we onuň yzygiderli üpjün edilmeginiň meselelerini ara alyp maslahatlaşdylar. Bu barada Özbegistanyň demir ýol edarasynyň resmi saýty habar berýär.
2022-nji ýylyň on aýynyň dowamynda Türkmenistan bilen Özbegistanyň arasyndaky söwda dolanyşygy 614,1 million amerikan dollaryndan geçdi. Bu barada Özbegistan Respublikasynyň Statistika baradaky döwlet komiteti tarapyndan çap edilen hasabatda habar berilýär.
