Gurbanguly Berdimuhamedow: Daşary ýurt walýutasynyň töleglerini geçirmekdäki kynçylyklar bilen ylalaşyp bolmaz
Türkmenistanyň Milli Geňeşiniň ýokarky palatasynyň Başlygy Gurbanguly Berdimuhamedow häzirki wagtda dünýädäki ykdysady kynçylyklara garamazdan, Türkmenistanyň banklaryna, kärhanalaryna we maliýe ulgamyna goldaw bermek meselesiniň ileri tutulmalydygyny aýratyn belledi. Bu barada TDH döwlet habarlar agentligi Türkmenistanyň Halk Maslahatynyň Milli Geňeşiniň mejlisiniň jemleri boýunça habar berýär.
Parlamentiň ýokarky palatasynyň Başlygy milli manadyň daşary ýurt walýutasyna öwürmekde ýüze çykýan emeli päsgelçilikler bilen döredilen tölegleri geçirmekdäki kynçylyklar bilen hiç kimiň ylalaşyp bilmejekdigini nygtady.
Şu nukdaýnazardan Gurbanguly Berdimuhamedow çig mal serişdeleri bilen üpjün edilmändigi sebäpli käbir kärhanalaryň önümçilik kuwwatynyň doly ulanylmaýandygyna ünsi çekdi.
"Şeýle senagat kärhanalarynyň bardygyny bilýäris" - diýip, parlamentiň ýokarky palatasynyň Başlygy, olaryň işiniň talabalaýyk ýola goýlan halatynda tölenilmeli salgytlaryň mukdary artyp, şeýlelik bilen, býujet gowuşýan serişdeleriň hem artjakdygyny belledi.
Şunuň bilen baglanyşyklykda, Milli Geňeşiň Halk Maslahatynyň Başlygy maliýe we bank pudagyna gyssagly netijeleri berýän çözgütleri tapmak üçin bu meseleleri seljermegiň zerurdygyny ünsi çekdi.
ORIENT news
Surat redaksiýanyň arhiwinden
