Garaşsyz Döwletleriň Arkalaşygynyň ýurtlary ýokary tehnologiýaly pudaklary ösdürmek, senagat önümçiligini döwrebaplaşdyrmagy çaltlaşdyrmak, bäsdeşlige ukyply, innowasiýa we ylmy barlaglary talap edýän önümleriň eksportyny ýokarlandyrmak babatynda bilelikde işleşmek barada ylalaşdylar.
Russiýanyň «RŽD» holdingi Türkmenistanyň we Gazagystanyň serhedinde ýerleşýän Bolaşak-Serhetyaka serhet geçelgesinden amala aşyryljak eksport-import konteýner ýük daşamalary üçin 20 göterim arzanladyş yglan etdi – diýip, Russiýa Federasiýasyndaky Türkmenistanyň ilçihanasynyň saýty habar berýär.
2022-nji ýylyň 9 aýynda Türkmenistan bilen Rumyniýanyň arasyndaky haryt dolanyşygy 2021-nji ýylyň degişli döwri bilen deňeşdirilende, 7,3 esse artdy. Şol bir wagtyň özünde, rumyn önümleriniň türkmen bazaryna importy 6,4 esse, türkmen harytlarynyň Rumyniýa eksporty 8,2 esse artdy. Şeýle maglumatlar 1-nji dekabr, penşenbe güni Rumyniýanyň Milli güni mynasybetli geçirilen kabul edişlikde eden çykyşynda Türkmenistanyň Ministrler Kabinetiniň ýanyndaky Transport we kommunikasiýa agentliginiň baş direktory Mämmethan Çakyýew tarapyndan berildi.
Türkmenistanyň Ministrler Kabinetiniň anna güni geçirilen mejlisinde Ministrler Kabinetiniň ýanyndaky Ulag we kommunikasiýa agentliginiň baş direktory Mämmethan Çakyýew ulag, üstaşyr we logistika boýunça türkmen-russiýa bilelikdäki topary döretmek we onuň türkmen bölegini guramak meýilnamalary barada Prezident Serdar Berdimuhamedowa hasabat berdi.
Çogdumlarynda dänesi bişende, ýygym başlanýar – onda ýetişen sümmülleriň 85-90% jemlenmelidir. Bu bolsa däne gabaklarynyň reňkinden görünýär. Türkmenistanda şaly hasylynyň ýygymy tamamlanyp barýar, häzir eýýäm tüwniň 82,5 müň tonna golaýy ýygnaldy diýip, ýurduň Oba hojalyk ministrliginde habar berdiler.
Türkmenistan we Russiýa demir ýol düzümlerini ösdürmegiň üstünde işleýärler, rus kompaniýalarynyň bolsa türkmen demir ýol pudagyny döwrebaplaşdyrmaga gatnaşmagy üçin uly mümkinçiligi bar diýip, anna güni RF-niň Türkmenistandaky söwda wekili Aleksandr Ýelizarow TASS-yň habarçysy bilen bolan söhbetdeşliginde aýtdy.
Türkmenistan halkara gatnawlarynda konteýnerli otlularyň düzüminde konteýnerleri daşamak hakynda ylalaşyga goşulmagy maksat edinýär. Bu barada Ministrler Kabinetiniň ýanyndaky Ulag we kommunikasiýalar agentliginiň baş direktory Mämmethan Çakyýew anna güni hökümetiň sanly ulgam arkaly geçirilen mejlisinde habar berdi.
Sekiz ýyl mundan ozal, 2014-nji ýylyň 3-nji dekabrynda Gazagystan-Türkmenistan-Eýran transmilli demir ýolunyň açylyşy boldy. Bu waka dünýä ähmiýetli bu özboluşly taslamany durmuşa geçiren döwletleriň baştutanlarynyň – Türkmenistanyň prezidenti Gurbanguly Berdimuhamedowyň, Gazagystanyň prezidenti Nursultan Nazarbaýewiň we Eýranyň prezidenti Hasan Ruhanynyň gatnaşmagynda geçirildi.
Şenbe güni, 3-nji dekabrda Daşkendiň demirýol menzilinde Türkiýäniň Izmir şäherinden ugran, Eýranyň we Türkmenistanyň çäklerinden geçip, Özbegistana gelen ilkinji ýük otlusynyň dabaraly garşylanylyşy boldy.
Türkmenistan bilen Eýran täze elektrik geçiriji liniýasyny çekmek we energiýa söwdasy barada şertnamany 2023-nji ýyla çenli uzaltmak arkaly elektrik energiýasynyň söwdasyny giňeltmek barada ylalaşdylar.
Türkmenistanyň wekiliýeti Koreýa Respublikasynyň iri kompaniýalarynyň wekilleri bilen tebigy gazdan ekologik taýdan arassa benzin öndürmek üçin Ahaldaky zawodyň ikinji tapgyrynyň gurluşygy barada gepleşikleri geçirdi.
1-nji dekabrda penşenbe güni Türkmenistanyň Döwlet haryt we çig mal biržasynyň söwdalaşyklarynda 11 million amerikan dollaryna barabar bolan 3 geleşik baglaşyldy. Bu barada ORIENT-iň habarçysy habar berýär.
Türkmenistanyň maliýe we ykdysady toplumynyň binasynda Maliýe we ykdysadyýet ministrligi hem-deKärdeşler arkalaşygynyň Milli merkezi tarapyndan gurnalan «Ýylyň ykdysatçysy» atly ylmy makalalar bäsleşiginiň netijeleri jemlendi.
Türkiýe Respublikasynyň daşary işler ministri Mewlüt Çawuşoglu Günorta-Gündogar Ýewropany Türkmenistandan we Azerbaýjandan gelýän tebigy gaz bilen üpjün etmek boýunça işleriň alnyp barylýandygyny mälim etdi. Bu barada Trend agentligi NATO agza ýurtlaryň daşary işler ministrleriniň duşuşygynyň netijelerine esaslanyp habar berýär
«Demirgazyk-Günorta» geçelgesiniň (Gazagystan-Türkmenistan-Eýran) gündogar şahasyndaky yzygiderli ýük daşaýan otlylarynyň sanynyň aýda 17 otly düzümine çenli artdyrylmagy meýilleşdirilýär. Bu barada Russiýanyň Türkmenistandaky söwda wekili Aleksandr Ýelizarowa salgylanyp, TASS agentligi habar berýär.
