Aşgabat bilen Tähran elektrik söwdasyny giňeltmek barada ylalaşyga geldiler
Türkmenistan bilen Eýran täze elektrik geçiriji liniýasyny çekmek we energiýa söwdasy barada şertnamany 2023-nji ýyla çenli uzaltmak arkaly elektrik energiýasynyň söwdasyny giňeltmek barada ylalaşdylar.
– Bu barada Eýranyň Energetika ministri Ali Akbar Mehrabian Türkmenistanyň gurluşyk toplumy boýunça Ministrler Kabinetiniň Başlygynyň orunbasary Çarymyrat Pürçekow bilen Aşgabatda geçirilen duşuşygyň çäginde aýtdy – diýip, IRNA habar berýär.
Mehrabian: "Taraplar Mary döwlet elektrik stansiýasyndan Eýranyň Horasan-Rezawi welaýatynda ýerleşýän Maşada elektrik geçiriji liniýasyny gurmak barada ylalaşdylar" – diýdi.
Eýran ministriniň sözlerine görä, ýakyn wagtda Türkmenistandan elektrik energiýasynyň importy boýunça şertnama täzeden güýje girer.
ORIENT news
