Ýaponiýanyň döwlet ministri Türkmenistan bilen hyzmatdaşlykda ösüşiň hili baradaky pikiri bilen paýlaşdy
Ýaponiýanyň Daşary işler ministri Kendzi Ýamada we Türkmenistanyň Tokiodaky Adatdan daşary we Doly ygtyýarly ilçisi Atadurdy Baýramow penşenbe güni geçirilen duşuşykda, özara gatnaşyklaryň toplanan tejribesini we häzirki ýagdaýyny göz öňünde tutmak arkaly, ikitaraplaýyn gatnaşyklary ara alyp maslahatlaşdylar.
Döwlet ministri Ýamada iki ýurduň arasyndaky dialogyň wajyp üstünlikli tarapy hökmünde "adamlara maýa goýum" ugruny we bu babatda Türkmenistanda ýapon dilini öwrenmek üçin şertleriň döredilmegini belläp geçdi. Şeýle hem, ol dekarbonizasiýany hyzmatdaşlygyň aýratyn ugry hökmünde kesgitledi.
Ýamada sebit üçin möhüm bolan ulag ýollaryny diwersifikasiýa etmek boýunça Ýaponiýanyň Merkezi Aziýa ýurtlary bilen ýakyndan işleşmäge taýýardygyny mälim etdi.
Taraplar halkara arenasyndaky hyzmatdaşlyk barada hem pikir alyşdylar – diýip, Ýaponiýanyň Daşary syýasat edarasynyň internet saýtynda habar berilýär.
ORIENT news
