Türkmenistanyň Halk Maslahatynyň başlygy Gurbanguly Berdimuhamedow türk kompaniýalaryny çagalar üçin önümleri öndürýän toplumyň, şeýle hem Arkadag şäherindäki Çagalar sagaldyş-dikeldiş merkeziniň ýanynda derman serişdelerini öndürmek boýunça toplumyň gurluşygyna gatnaşmaga çagyrdy – diýip, TDH habar berýär.
Amerikan telekeçileri Türkmenbaşynyň nebiti gaýtadan işleýän zawodlar toplumynda iňňe görnüşli koksyň önümçiligini, onuň esasynda bolsa — grafitirlenen elektrodlaryň önümçiligini ýola goýmak boýunça taslamany ýerine ýetirmeklige gyzyklanýarlar.
Ýewropanyň täzeleniş we ösüş banky Ýewropa birleşiginiň maliýe taýdan goldaw bermeginde türkmen telekeçileri üçin «Internetde satuwa başlamak we satuwlaryň gerimini artdyrmak. Sanly marketing hereketde» atly okuw geçirdi. Okuw kursy hem nazaryýet, şeýle hem amaly sapaklary öz içine aldy.
Nebitgaz ýataklarynyň işlenilmegini tizleşdirmek üçin Türkmenistan Hytaýda öndürilen göçme burawlama desgalaryny satyn aldy – diýip, Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentligi habar berýär.
Türkiýe Türkmenistandan import edilýän gämi ýangyjynyň möçberini artdyrdy – diýip, Türkiýäniň Energetika bazaryny kadalaşdyrmak müdirligine (Enerji Piyasası Düzenleme Kurumu – EPDK) salgylanyp, Trend habar berýär.
Türkmenistanyň Ýaponiýadaky ilçisi Atadurdy Baýramow eksporty we maýa goýumlaryny ätiýaçlandyrmak boýunça NEXI ýapon agentliginiň baştutany Hideýuki Urata bilen gepleşikleri geçirdi, onda bu kompaniýanyň Türkmenistanda işlemek mümkinçilikleri ara alnyp maslahatlaşdyldy - diýip, Tokiodaky türkmen ilçihanasynyň saýty habar berýär.
Sişenbe güni, Türkmenistanyň Döwlet haryt-çig mal biržasyndaky söwdalaşyklarda jemi bahasy $561,4 müň amerikan dollaryna deň bolan 2 geleşik baglaşyldy – diýip, ORIENT-iň habarçysy habar berýär.
Türkmenistanyň Telewideniýe, radiogepleşikler we kinomatografiýa baradaky döwlet komiteti tele- we radio enjamlaryny döwrebaplaşdyrmak üçin halkara tender-bäsleşigini yglan etdi - diýip, «Neýtralnyý Turkmenistan» gazeti habar berýär.
Azerbaýjanda BP kompaniýasynyň uzak aralykdan dolandyrmak mümkinçiligi bolan dünýäde ilkinji deňiz platformasy gurulýar. Bu barada kompaniýanyň Azerbaýjan, Gruziýa we Türkiýe boýunça sebitleýin prezidenti Gery Jons habar berdi.
Ýewropanyň täzeleniş we ösüş banky «Zenanlar telekeçilikde» maksatnamasynyň çäklerinde Ýewropa Birleşiginiň goldamagynda geçirilýän «Türkmenistanyň zenan telekeçileri üçin halypaçylyk mekdebi 2023» taslamasyna ýazylyşygyň başlanandygyny yglan edýär.
Türkmenistanyň Medeniýet ministrligi öz garamagyndaky medeniýet we bilim edaralarynyň düýpli abatlaýyş işlerini geçirmek we ýanaşykçäklerini abadanlaşdyrmak boýunça tender-bäsleşigini yglan etdi.
Türkmenistanyň Söwda-senagat edarasynyň sergi merkezinde Türkmenistanyň söwda toplumynyň üç günlük sergisi açyldy, onda ýurdumyzyň azyk önümleriniň, halkyň sarp edýän harytlarynyň, senagat önümleriniň, halylaryň we dokma önümleriniňöňdebaryjy öndürijileri öz mümkinçiliklerini görkezýärler.
Saud Arabystanynyň we OPEK+ guramasynyň beýleki agzalarynyň nebiti çykarmagy azaltmak baradaky duýdansyz kararyndan, şeýle hem Russiýanyň —ýylyň ahyryna çenli öz önüm öndürijiligini kemeltmegini uzaltmak baradaky kararyndan soňra nebitiň Brent kysymy 8% gowrak birden gymmatlady. Bu barada Reuters agentligi habar berýär.
Azerbaýjan aňsat ot alýan materiallaryň daşalmagy üçin tölegi, uly ýük awtoulaglary üçin şäher salgydyny ýatyrdy, araçäkden geçilmegi üçin ýygymlary azaltdy we olaryň çägini 41 tonna çenli artdyrdy – diýip, respublikadaky türkmen ilçihanasy habar berýär.
Duşenbe güni, 3-nji aprelde Türkmenistanyň Döwlet haryt-çig mal biržasyndaky söwdalaşyklarda jemi bahasy $1 mln amerikan dollaryna we 252 müň türkmen manadyna deň bolan 4 geleşik baglaşyldy –diýip, ORIENT-iň habarçysy habar berýär.
