Daşoguz şäherinde täze mekdep gurlar
Daşoguz welaýat häkimligi Daşoguz şäherinde 600 orunlyk umumybilim berýän orta mekdebi gurmak boýunça bäsleşik yglan etdi. Şunuň bilen birlikde, welaýatyň çäginde agyz suwunyň üpjünçiligini kadaly ýola goýmak maksady bilen, welaýat agyz suw birleşigini alýumin sulfaty bilen üpjün etjek potratçylary seçip almak boýunça bäsleşik yglan edýär. Bu barada “Türkmenistan” gazeti habar berýär.
Bäsleşiklere türkmen hususyýetçileri gatnaşyp bilýärler. Munuň üçin gatnaşyjylar doly adyny, hukuk derejesini, resmi bellige alnandygy baradaky maglumatlary we arza tabşyrmalydyr. Hususy kärhanalar Türkmenistanyň Senagatçylar we telekeçiler birleşmesinden kepilnama almalydyrlar.
Bäsleşilere gatnaşmaga gyzyklanma bildirýän taraplaryň resminamalary Daşoguz welaýat häkimliginde kabul edilýär.
Habarlaşmak üçin telefon belgisi:
800322 9-03-02.
ORIENT news
