Eýranyň Horasan-Rezawi welaýatynyň administrasiýasy, geçen hepde gubernatorynyň Türkmenistanyň Mary welaýatyna eden saparyndan soň, iki serhet sebitiniň arasynda hyzmatdaşlygyň komitetini döretdi we bu iki tarapyň ykdysady meseleler boýunça wekilleriniň gatnaşmagyny üpjün edýär.
Türkmenistanyň we Özbegistanyň gümrük gulluklarynyň harby gullukçylary ýükler barada deslapky maglumatlary alyşmak boýunça geçirilen bilelikdäki okuw çäresine gatnaşdylar.
Russiýa Federasiýasynyň Başkortostan Respublikasy Türkmenistana 292 tonna bugdaý ununy eksport etdi.
Türkmenistanyň Ulag we kommunikasiýalar agentliginiň Baş direktory Mämmethan Çakyýew ýolbaşçylygyndaky topar, şeýle hem Saglygy goraýyş we derman senagaty ministrliniň wekilleri Ýaponiýanyň Sanly özgeriş agentliginiň ýolbaşçylary bilen gepleşikleri geçirdiler.
Türkmenistan Ýewropa bilen Aziýanyň arasynda möhüm ulag merkezine öwrülip biler. Biziň ýurdumyzda Hazar deňzinde häzirki zaman port infrastrukturasy bar, kontinentdäki harytlaryň üstaşyr geçirilmegi üçin halkara geçelge hökmünde ähmiýeti artýar diýip, Türkmenistan Ministrler Kabinetiniň ýanyndaky Ulag we kommunikasiýalar agentliginň Baş direktorunyň orunbasary Batyr Annaýew, Brýusselde “Global Gateway” Maýa goýum forumynyň açylyşynda aýdyp geçdi.
ÝB we Merkezi Aziýa ulag baglanyşyklary boýunça “Global Gateway” maýa goýum forumy şu gün, 29-njy ýanwarda Brýusselde açyldy, ol Ýewropa, Merkezi Aziýa, Kawkaz we Türkiýe we “G7-Uly ýedilik” hökümetlerini, maliýe guramalaryny, işewür we raýat jemgyýetlerini bir ýere jemledi. Ýewropa Komissiýasynyň ýerine ýetiriji wise-prezidenti Waldis Dombrowskis foruma gatnaşýan Ýewropa we halkara maliýe guramalarynyň Merkezi Aziýada durnukly ulag aragatnaşygyny goldamak we maýa goýmak üçin 10 milliard ýewro berjekdigini habar berdi.
Demirgazyk - Günorta halkara ulag geçelgesini ösdürmegiň çäklerinde Russiýa geljekde hem Türkmenistanyň we beýleki döwletleriň ulag taslamalaryna gatnaşmagy dowam etdirer. Bu barada Russiýanyň Hökümetiniň wise-premýeri Alekseý Owerçuk beýleki yklymüsti ulag geçelgelerinde bar bolan meseleleriň çäginde degişli ulag geçelgesiniň barha artýan ähmiýetini göz öňünde tutup belläp geçdi. Bu barada "TASS" habarlar agentligi mälim edýär.
Türkmenistanyň Prezidenti Arkadag şäheriniň gurluşygy boýunça döwlet komitetine Germaniýanyň “Goetzpartners Emerging Markets GmbH” kompaniýasy bilen maslahat beriş hyzmatlary barada şertnama baglaşmagyna rugsat berýän Karara gol çekdi.
2023-nji ýylda Russiýanyň Astrahan deňiz porty ýük daşalyşyny bir ýarym esse artdyrmak bilen bu babatda soňky 10 ýylda iň ýokary ýyllyk görkezijä ýetmegi başardy.
Wise-premýer Nurmuhammet Amannepesow anna güni geçirilen Hökümet mejlisinde döwlet Baştutanynyň garamagyna Türkmenistanda ylmy barlaglaryň netijeliligini üpjün etmek boýunça pudagara topar tarapyndan seljerilen we ýurduň innowasion ösüşine ýardam berjek ykdysady bähbitli teklipleri hödürledi.
Daniýanyň “AP Moller-Maersk” korporasiýasy dünýädäki “ýaşyl” metanol bilen işleýän 350 metrlik “Ane Maersk” konteýner gämisini tanyşdyrdy. TASS-yň berýän habaryna görä, Ulsan şäherindäki Günorta Koreýanyň “HD Hyundai Heavy Industries” gämi gurluşyk kompaniýasynyň guran gämisiniň esasy daşaýjysy 16 592 konteýneri ýerleşdirip biler.
Moskwada Garaşsyz Döwletleriň Arkalaşygynyň Ulag boýunça işewürlik dialogynyň ikinji mejlisi geççirildi. Bu barada GDA-nyň Ýerine ýetiriji komitetiniň saýtynda habar berilýär.
Türkmenistan Halkara Deňiz Guramasynyň (IMO) Halkara deňiz gatnawyny ýeňilleşdirmek konwensiýasyna goşulmak isleýär. Bu barada maglumat 26-njy ýanwar, anna güni Türkmenistanyň Hökümetiniň mejlisinde Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýew tarapyndan yglan edildi.
Prezident Serdar Berdimuhamedow wise-premýere suw serişdelerimiziň tygşytly we maksadalaýyk ulanylmagyna berk gözegçilik etmegi, goşmaça suw gorlaryny döretmek ugrunda alnyp barylýan işleri dowam etdirmegi tabşyrdy.
24-nji ýanwarda Pekinde Özbegistanyň Prezidenti Şawkat Mirziýoýew bilen Hytaý Halk Respublikasynyň Başlygy Si Szinpiniň arasynda geçirilen gepleşikleriň netijesinde köp sanly resminama gol çekildi. Olaryň hatarynda “Howa ýüpek ýoly”-nyň bilelikdäki gurluşygy barada degişli edaralaryň arasyndaky Ylalaşyk hem bar.
