Belarus Demirgazyk - Günorta halkara ulag geçelgesine goşulýar
Belarus Respublikasy Demirgazyk - Günorta halkara ulag geçelgesine ilkinji gezek goşulýar.
Şu ýylyň ýaz aýynda belarus harytlaryndan ybarat ilkinji synag ýük düzümi Hazarüsti ulag geçelgesi boýunça Eýranyň üsti bilen Aziýa ýurtlaryna iberiler.
Degişli ylalaşyk Belarus Respublikasynyň Premýer-ministri Golowçenkonyň "Lotos" ýörite ykdysady zolagynyň baş direktory Sergeý Miluşkin bilen Astrahan şäherinde geçiren duşuşygynda gazanyldy.
Başlangyç tapgyrda Russiýanyň Astrahan portunyň üsti bilen Belarus Respublikasyndan himiki dökünler, süýt we ýag önümleri, ýeňil senagatyň harytlary, soňlugy bilen bolsa, agaç we maşyn senagatyň önümleri daşalar.
Ýük daşamalaryň ykdysady netijeliligini artdyrmak maksady bilen Belarus Respublikasynyň Russiýadaky ilçisi Dmitriý Krutoý ýükleri daşamagyň netijeli orta tarifini girizmegi teklip etdi.
ORIENT news
