Rigada türkmen-latwiýa duşuşygynda ulag we üstaşyr boýunça bilelikdäki meýilnamalar beýan edildi
Duşenbe güni Riga şäherinde Ulag boýunça türkmen-latwiýa Iş toparynyň üçünji mejlisi geçirildi.
Habarlar
Gyrgyzystanda okaýan daşary ýurtly talyplaryň sany boýunça Türkmenistan öňdäki orny eýeledi
2022 – 2023-nji okuw ýylynyň maglumatlaryna görä, Gyrgyzystanyň ýokary okuw mekdeplerinde dürli hünär ugurlary boýunça türkmenistanly ýaşlaryň 64-si bilim alýar. Bu görkeziji bilen Türkmenistan Gyrgyzystanda bilim alýan daşary ýurtly raýatlaryň sany boýunça ilkinji onluga girdi. Bu barada Gyrgyzystanyň Milli statistika komitetine salgylanyp, 24.kg internet neşiri mälim edýär.
Russiýanyň mugallymçylyk ýokary okuw mekdepleri býujet esasynda okaýan daşary ýurtly talyplaryň sanyny artdyrar
Russiýanyň Bilim ministrligi mugallymçylyk ugruna ýöriteleşen ýokary okuw mekdeplerine öňümizdäki okuw ýylyndan “Rus dili daşary ýurt dili hökmünde” ugry boýunça býujet esasynda okajak daşary ýurtlardan kabul ediljek talyplaryň sanyny artdyrmagy teklip etdi. Bellenişine görä, bu ugruň uly meşhurlyga eýe bolmagydyr. Bu barada “TASS” habarlar agentligi Russiýanyň bilim ministriniň orunbasary Denis Griboýedowyň sözlerine salgylanyp habar berýär.
SpaceX kompaniýasy 14 ýaşly programmisti işe aldy
Kosmos tehnikasynyň önümçiligi bilen meşgullanýan SpaceX amerikan kompaniýasyna 14 ýaşly inžener-programmist Kaýran Kwazini işe aldylar - diýip, Los Angeles Times ýazýar.
GDA we Ýewraziýa bileleşigine agza döwletleriň ýaş işewürleriniň forumyny döretmek teklip edilýär
Gyrgyzystan indiki ýyl GDA we Ýewraziýa bileleşigine agza döwletleriň ýaş işewürleriniň we biznes ideýasyny öňe sürüjileriň forumyny geçirmegi öňe sürýär. Bu barada "Ýewraziýa" internet neşiri Gyrgyz Respublikasynyň Hökümetiniň Başlygynyň orunbasary Adylbek Kasymalyýewiň sözlerine salgylanyp habar berýär.
Italiýanyň öňki premýer-ministri Silwio Berluskoni aradan çykdy
Milanda 86 ýaşynda Italiýanyň öňki premýer-ministri aradan çykdy – diýip, duşenbe güni italiýanyň KHBS habar berdi.
Türkmenistandan 289 zyýaratçy Saud Arabystanynyň mukaddes ýerlerine zyýarat ederler
Türkmenistandan 289 zyýaratçy 22-nji iýun - 15-nji iýul aralygynda haj parzyny ýerine ýetirmek üçin Saud Arabystanynda bolarlar. Haj zyýarat üçin ýol çykdajylary "Türkmenhowaýollary" agentliginiň hasabyna ýerine ýetiriler.
Şweýsariýada demir ýoluň içinde gün panellerini oturtmagy meýilleşdirýärler
Sun-Ways şweýsar startapy demir ýollarda gün panellerini oturtmak boýunça taslamany ýerine ýetirmegi meýilleşdirýär. 60 panel Býutt demir ýol menziliniň çäginde 46,2 metr ýer böleginde relsleriň arasynda ýerleşdiriler.
Kuraş göreşiň halkara birleşmesi ýaryşlarda onlaýn-hasaba alynmagyň ulgamyny işläp taýýarlaýar
Kuraş göreşiň halkara birleşmesi IKA Registration System atly täze ulgamy işläp taýýarlaýar, ol birleşmäniň howandarlygynda geçirilýän ýaryşlara onlaýn hasaba alynmaga mümkinçilik berer. Bu barada Kuraş göreşiň halkara birleşmesiniň metbugat gullugy habar berýär.
TAPI taslamasy ýakyn wagtda ýerine ýetiriler — Pakistanyň resmisi
Pakistanyň nebit we serişdeler hemişelik komitetiniň başlygy Abdul Kadyr «Türkmenistan — Owganystan — Pakistan — Hindistan» magistral gaz geçirijisiniň taslamasynyň ýakyn wagtda ýerine ýetiriljekdigini beýan etdi – diýip, Daily Times habar berýär.
Türkmenistan bilen Russiýanyň arasyndaky haryt dolanyşygy 2022-nji ýylda ABŞ-nyň 1,6 mlrd dollaryna deň boldy — RF-nyň ilçisi
Türkmenistan bilen Russiýanyň arasyndaky haryt dolanyşygy 2022-nji ýylda$1,6 mlrd amerikan dollary möçberindäki görkezijä ýetdi. Şeýlelik bilen, Russiýa Türkmenistanyň söwda hyzmatdaşlarynyň iň möhüm üçlüginiň hataryna girýär. Şunda ikitaraplaýyn hyzmatdaşlygy ösdürmek üçin uly geljek bardyr.
TDHÇB-daky söwdalaşyklar: tebigy gazdan alnan awtoulag benzininiň 10 müň tonnasy eksport edildi
Şenbe güni, 10-njy iýunda Türkmenistanyň Döwlet haryt-çig mal biržasyndaky söwdalaşyklarda ECO-93 kysymly awtoulag benzininiň 10 müň tonnasyny eksport etmek boýunça geleşik baglaşyldy – diýip, ORIENT-iň habarçysy habar berýär.
Aziýa we Okeaniýa döwletleriniň çempionatynda türkmen samboçylary 26 medal gazandylar
5 - 11-nji iýunda Astana şäherinde geçirilýän sambo boýunça Aziýa we Okeaniýa ýurtlarynyň arasynda türkmen türgenleri jemi 26 medal gazandylar. Olaryň 3-si altyn, 7-si kümüş, 16-sy hem bürünç medallardyr. Bu barada Türkmenistanyň Bedenterbiýe we sport baradaky döwlet komiteti "ORIENT-e" habar berdi.
Agyr atletika boýunça dünýä Çempionaty Bahreýnde geçiriler
Bahreýn Patyşalygy 2024-nji ýylda agyr atletika boýunça dünýä Çempionatyny geçirmäge hukuk aldy. Bahreýn bilen birlikde, Ermenistan we Albaniýa Çempionaty geçirmäge dalaşgär ýurtlar hökmünde çykyş edipdiler.
Türkmen talyplary Kazan şäherinde geçirilen dabaraly ýörişe gatnaşdylar
Kazan şäherinde bilim alýan türkmen talyplary Russiýanyň güni mynasybetli Kazan Kremlinde geçirilen “Halklaryň dostlugy” aty dabaraly ýörişe gatnaşdylar. Dabaraly çärede 30-dan gowrak milletiň wekilleri milli aýdymdyr sazlaryny ýerine ýetirdiler.
