Türkmenistan bilen Russiýanyň arasyndaky haryt dolanyşygy 2022-nji ýylda ABŞ-nyň 1,6 mlrd dollaryna deň boldy — RF-nyň ilçisi
Türkmenistan bilen Russiýanyň arasyndaky haryt dolanyşygy 2022-nji ýylda$1,6 mlrd amerikan dollary möçberindäki görkezijä ýetdi. Şeýlelik bilen, Russiýa Türkmenistanyň söwda hyzmatdaşlarynyň iň möhüm üçlüginiň hataryna girýär. Şunda ikitaraplaýyn hyzmatdaşlygy ösdürmek üçin uly geljek bardyr.
Bu barada Russiýanyň Türkmenistandaky ilçisi Iwan Wolynkin özüniň Russiýanyň gününe bagyşlap, «Neýtralnyý Turkmenistan» gazetinde çap edilen makalasynda ýazdy.
Ilçi iki dostlukly ýurduň medeni-ynsanperwer hyzmatdaşlygy babatynda özara gatnaşyklarynyň aýratyn möhümdigini nygtady. Bu jähtde häzirki wagtda Türkmenistanda rus dilinde okadylýan 71 mekdebiň işleýändigi bellenilýär.
Şeýle hem Wolynkin Russiýanyň we Türkmenistanyň özara gatnaşyklarynyň RF-nyň Merkezi Aziýa bilen sebitiň ähli ýurtlary üçin parahatçylygy we durnuklylygy saklamak üçin köp meýilnamaly hyzmatdaşlygynyň möhüm düzüm bölekleriniň biridigini sözüniň üstüne goşýar.
ORIENT habarlar
