Duşenbe güni türki döwletleriň ilkinji bilelikdäki metbugat platformasy bolan Turkic.World (Türk dünýäsi) taslama ofisiniň açylyş dabarasy boldy. Platforma eýýäm «Kazinform» habarlar agentligi, Özbegistanyň milli habarlar agentligi «UzA», Gyrgyzystanyň milli habarlar agentligi «Kabar» we Türkmenistanyň Daşary işler ministrligi goşuldy diýip, AZERTAC habar berýär.
Täjigistanda ýurtda migrantlary hünärmen derejesinde taýýarlamak boýunça taslama ýola goýulýar. Esasy üns hünärmenleriň dil bilimine gönükdiriler, sebäbi respublikanyň raýatlarynyň daşary ýurtlarda işe ýerleşmeginde esasy päsgelçilik olaryň daşary ýurt dillerini bilmezligidir. Ulular üçin bilim merkezlerinde iňlis, koreý we ýapon dili kurslaryny açmak meýilleşdirilýär – diýip, Sputnik habar berýär.
Berkarar SDAM Samsonite dükany ähli çemodanlara 30% we ähli torbalara 40% arzanladyş yglan edýär. Ýokary hilli harytlary satyn almak üçin amatly pursady elden bermäň.
Duşenbe güni Aşgabatda Türkmenistanyň Ministrler Kabinetiniň başlygynyň orunbasary, Daşary işler ministri Raşid Meredowyň ýolbaşçylygynda Türkmenistanyň adam hukuklary we halkara ynsanperwer hukugy babatynda halkara borçnamalarynyň ýerine ýetirilmegini üpjün etmek boýunça pudagara toparynyň mejlisi geçirildi.
Dürli miweleriň onlarça tonnasy Gazagystana ugradyldy. Bu önümler Türkmenistanyň Senagatçylar we telekeçiler birleşiginiň agzasy bolan “Miwe” açyk paýdarlar jemgyýeti tarapyndan eksport edilýär. Kompaniýanyň düzümine hersi anyk bir miwäni ösdürip ýetişdirýän "Hemsaýa", "Datly miwe", "Miweli atyz", "Gök bulut" ýaly hojalyk jemgyýetleriniň birnäçesi girýär.
23-nji iýulda “Türkmenhowaýollarynyň” üsti akylly elektronika, egin-eşik we beýleki harytlar bilen doldurylan ýük uçary Şençžen-Baoan halkara howa menzilinden Türkmenistanyň paýtagty Aşgabat şäherine ugur aldy.
Türkmenistanyň hususy düzümleriniň agzalary Hytaýyň günorta-günbatar sebitinde ýerleşýän Çunsin şäherinde 4 – 6-njy sentýabrda geçiriljek halkara intellektual senagat sergisine gatnaşmaga çagyrylýar. Bu barada Türkmenistanyň Senagatçylar we telekeçiler birleşmesi habar berýär.
“Twitter” jemgyýetçilik tory özüniň baş nyşanyny täzelär. Bu barada amerikan kompaniýasynyň ýolbaşçysy Ilon Mask mälim edýär.
Ahal welaýatynyň Ak bugdaý etrabyndan türkmen telekeçisi Batyr Röwşenow Birleşen Arap Emirliklerine ýer tudanasynyň eksportyny ýola goýdy. «Albion» görnüşiniň ilkinji iýmişleri eýýäm Dubaý şäherine geldi – diýip, «Rysgal» gazeti ýazýar.
Gurbanguly Berdimuhamedow adyndaky Haýyr-sahawat gaznasynyň serişdeleriniň hasabyna hirurgiki amallary geçiren ýaş hassalar «Awaza» milli syýahatçylyk zolagyndaky «Daýanç» çagalar sagaldyş merkezine gönükdirilerler.
Slowak tehnologiki uniwersitetiniň analitiki himiýa Institutynyň alym-himikleri Iwan Şpanik we Lýudmila Hwalbota Magtymguly adyndaky Türkmen döwlet uniwersitetiniň talyplary üçin leksiýalaryň tapgyryny geçirdiler. Ussat-sapaklary Erasmus+ ýewropa maksatnamasynyň çäklerinde geçdi.
Arkadag şäheriniň köpugurly sport toplumy garyşyk söweş sungaty MMA-nyň «Draka» wersiýasy, şeýle hem ähliumumy söweş, el-aýak söweşi, hindileriň toparlaýyn oýunlary kabaddi we hapkido boýunça şäheriň ilkinji açyk çempionatyny kabul etdi- diýip, «Neýtralny Turkmenistan» gazeti ýazýar.
Prezident Serdar Berdimuhamedow we Halk Maslahatyň Başlygy Gurbanguly Berdimuhamedow Özbegistanyň döwlet Baştutany Şawkat Mirziýoýewi doglan güni bilen gutladylar. Bu barada Türkmenistanyň resmi metbugaty habar berýär.
Hazarýaka we Ýakyn Gündogar sebitlerinden Günbatara Ýewropa tebigy gaz ibermek üçin gurlan Transadriatik turbageçiriji konsorsiumy “mawy ýangyjyň” iberilişini artdyrmak üçin işe girişdi. Bu barada “Trend” habarlar agentligi konsorsiumyň maglumatlaryna salgylanyp habar berýär.
Tekizlenip boýalan we žakkard tüýjümek önümler (her kg-nyň bahasy -$4,60) we nah ýüplüginiň dürli görnüşleri (her kg-nyň bahasy - $2,30 -dan $2,60 çenli) Türkmenistanyň Döwlet haryt-çig mal biržasyndaky söwdalaşyklarda şenbe güni, 22-nji iýulda eksport edildi- diýip, ORIENT-iň habarçysy habar berýär.
