Türkmenistanyň ýolbaşçylary Şawkat Mirziýoýewi doglan güni bilen gutladylar
Prezident Serdar Berdimuhamedow we Halk Maslahatyň Başlygy Gurbanguly Berdimuhamedow Özbegistanyň döwlet Baştutany Şawkat Mirziýoýewi doglan güni bilen gutladylar. Bu barada Türkmenistanyň resmi metbugaty habar berýär.
Türkmen Lideri öz bek kärdeşine berk jan saglygyny, bagtyýarlygy we işinde üstünlikleri, Özbegistanyň halkyna bolsa, gülläp ösüş arzuw etdi. Serdar Berdimuhamedowyň Gutlagynda bellenişi ýaly, Prezident Şawkat Mirziýoýewiň parasatly we öňdengörüjilikli syýasaty netijesinde, Özbegistan Respublikasy ösüşiň täze tapgyryna gadam basdy.
“Häzirki wagtda döwletlerimiziň arasyndaky ikitaraplaýyn gatnaşyklaryň ýokary derejesini bellemek bilen, soňky ýyllarda netijeli özara bähbitli hyzmatdaşlygyň hil taýdan täze derejä ýetendigini aýratyn nygtamak isleýärin” diýlip, türkmen halkynyň Milli Lideriniň Gutlagynda bellenýär.
ORIENT news
