Gonkongyň mobil enjamlary öndüriji “Tecno” kompaniýasy dünýäde ilkinji ekologik taýdan arassa daşly “Spark 10 Pro Magic Magenta Edition” diýlip atlandyrylýan smartfonuny tanyşdyrdy. Bu smartfon şeýle hem, reňkini üýtgedip, ýalkym saçmaga ukyplydyr.
Türkmenistanyň BMG-niň Jynsy kemsidilmeleri aradan aýyrmak boýunça komiteti bilen dialoga taýýarlyk görmek meseleleri BMG-niň Ösüş maksatnamasynyň we ýurduň Hökümet edaralarynyň arasynda geçirilen iş duşuşygynda ara alnyp maslahatlaşyldy.
Türkmenistan bilen HHR-nyň arasyndaky haryt dolanyşygy üstümizdäki ýylyň biirnji ýarymynda geçen ýylyň degişli döwri bilen deňeşdireniňde 12,3% artdy. Ýurtlaryň arasyndaky ikitaraplaýyn söwdanyň umumy möçberi $5,55 mlrd deň boldy – diýip, Hytaýyň Baş gümrük müdirligi habar berýär.
«Türkmentelekom» elektrik aragatnaşyk kompaniýasynyň Älem TV hemra telewidenýesiniň operatorynyň habaryna laýyklykda 1-nji awgustdan başlap ýaýlymlaryň bukjasyna täze nyrhnamalar girizildi.
«Balkan» gämigurluşyk we abatlaýyş zawodynda milli flotumyzyň nobatdaky gämisine abatlaýyş işleri geçirilip taýýar edildi. «Atamyrat Nyýazow» diýlip atlandyrylýan bu tanker ýakyn günlerde ulanyşa goýberiler. Bir wagtda nebit önümlerini 4260 tonnasyny daşamaga niýetlenen bu gämi 2001-nji ýylda guruldy. Onuň abatlaýyş işleri dolulygyna ýerli hünärmenleriň hasabyna ýerine ýetirildi. Gäminiň abatlanyp, gaýtadaan deňze goýberilmegi ýurdumyzyň nebit önümleriniň eksportyny artdyrmaga özüniň goşandyny goşar.
«Türkmenistan» awiakompaniýasynyň resmi saýty 2023-nji ýylyň 1-nji awgustyndan «Türkmenhowaýollary» tarapyndan ýerine ýetirilýän Aşgabat - Moskwa - Aşgabat ugry boýunça uçuşlaryň togtadylmagy barada habar berýär. Howa ýollary. Russiýa uçuşlar Aşgabat - Kazan - Aşgabat ugry boýunça amala aşyrylar. Awiakompaniýanyň kassasynda aýdylanlara görä, Moskwa gatnawlary 22-nji awgusta çenli togtadylýar.
Russiýanyň hökmetiniň başlygynyň orunbasary Alekseý Owerçuk we Türkmenistanyň Daşary işler ministri Raşid Meredow iki ýurduň arasynda orta we ýokary bilim we medeniýet ugurlary boýunça telefon hyzmatdaşlygy barada pikir alyşdylar. Bu, Russiýa hökümetiniň Telegram kanalyna salgylanyp, TASS habar berýär.
Daşary ýurt rus dilindäki KHBS-niň hünärmenleriniň «Žurnalistikanyň tehnologiýasy: häzirki zaman halkara giňişliginde iş usullary» goşmaça hünär bilimi maksatnamasyna gatnaşmaklary üçin okuwa alnyşyk açyldy. Bu barada Aşgabatdaky Rus öýi habar berýär.
Täze iPhone 15 smartfonlarda, täze programmirläp bolýan düwme, has uly ekran we kämilleşdirilen kamera we prosessor bolar diýip, Bloomberg habar berýär. IPhone 15-iň tanyşdyrylyş dabarasyna şu ýylyň sentýabr aýynda garaşylýar.
Türkmen dzýudoçylary Daşkentde (Özbegistan) tamamlanan kursantlaryň we ýaşlaryň arasynda açyk Aziýa kubogynda dört – bir altyn, iki kümüş we bir bürünç medal gazandylar.
Döredijilik we zähmet işinde üstünlikleri gazanan, ýokary guramaçylyk ukybyna we kärdeşleriniň, deň-duşlarynyň arasynda uly hormatdan peýdalanýan 16 – 35 ýaş aralygyndaky ýaşlar ýurdumyzyň Ýaşlar baýragyna hödürlemek boýunça resminamalar kabul edilip başlandy. Bu baradaky degişli bildiriş “Nesil” gazetiniň şu günki sanynda neşir edildi.
Türkmenistanyň 110 türgenden ybarat bolan sport wekiliýeti 4-14-nji awgust aralygynda Belarusda geçiriljek Garaşsyz Döwletleriň Arkalaşygy ýurtlarynyň II Oýunlaryna gatnaşar.
Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň alymlary arap dilinde ýazylan kitaplary, şol sanda, Ebil Ferej Muhammet en-Nediminiň “El-Fihrist (Teswir)” atly eseri we Ibn Hajar Askalanynyň “Ed-Dürerül-Kämine” atly eseriniň II jildini türkmen diline terjime edýärler. Bu barada “Türkmenistan” gazeti habar berýär.
Ýylyň başyndan bäri ýurdumyzyň Balkan welaýatyndaky senagat önümçiligi geçen ýylyň degişli döwründäkiden 2 göterim ösdi. Geçen döwürde ýurdumyzyň günbatar sebitindäki kärhanalar tarapyndan 10 milliard manatdan gowrak senagat önümleri öndürildi diýip, “Türkmenistan” gazeti habar berýär.
30-njy iýul – 1-nji awgust aralygynda Hytaý Halk Respublikasynyň Kommunistik partiýasynyň Merkezi komitetiniň agzasy, partiýanyň Sinhaý welaýat komitetiniň sekretary Çen Ganyň ýolbaşçylygyndaky wekiliýet agzalary ýurdumyzyň Demokratik, Agrar we Senagatçylar we telekeçiler partiýalarynyň ýolbaşçylary bilen gepleşikleri geçirdiler. Bu barada ýurdumyzyň resmi metbugaty habar berýär.
