Balkan welaýatynda senagat önümçiligi 2 göterim ösdi
Ýylyň başyndan bäri ýurdumyzyň Balkan welaýatyndaky senagat önümçiligi geçen ýylyň degişli döwründäkiden 2 göterim ösdi. Geçen döwürde ýurdumyzyň günbatar sebitindäki kärhanalar tarapyndan 10 milliard manatdan gowrak senagat önümleri öndürildi diýip, “Türkmenistan” gazeti habar berýär.
Bellenişine görä, sebitde öndürilen ähli önümiň ýarysy hususy pudaga degişlidir. Balkan welaýatynyň bölek haryt söwda dolanyşygynda hem hususy telekeçileriňuly paýy bardyr. Geçen döwürde sebitde ýerine ýetirilen bö;ek haryt dolanyşygynyň möçberi 3,6 milliard manada barabar bolup, şonuň 3,3 milliard manady hususy düzüme degişlidir.
Balkan welaýaty ýurdumyzyň çäk taýdan iň uly sebiti bolup, bu ýerde nebitgaz serişdeleriniň baý gorlary we iri nebitgaz senagat kärhanalary ýerleşýär. Welaýat möhüm halkara ulag geçelgeleriniň üstünde ýerleşmek bilen, Türkmenbaşy Halkara deňiz porty arkaly köpsaly halkara ýükleri üstaşyr geçirilýär.
ORIENT news
