Türkmenistanyň Ministrler Kabinetiniň ýanyndaky Ulag we kommunikasiýa agentliginiň “Türkmenawtoulaglary” agentliginiň Aşgabat ýolagçy awtoulag kärhanasy türkmen paýtagtynda 26-njy dekabrdan Parahat 7 – “Aşgabat” SDAM aralygynda gatnajak № 114 belgili täze awtobus ugruny herekete girizdi.
Duşenbe güni Türkmenistanyň Prezidenti Serdar Berdimuhamedow GDA ýurtlarynyň baştutanlarynyň resmi däl sammitine gatnaşmak üçin Russiýa ugrady – diýip, TDH habar berýär.
Türkmenistanyň wekiliýeti Türkiýäniň Antalýa şäherinde ýaşlaryň iş bilen meşgul bolmagy we Merkezi Aziýada zorlukly ekstremizmiň öňüni almak boýunça geçirilen sebitleýin forumyna gatnaşdylar.
Türkmenistanyň saglygy goraýyş we derman senagaty ministrligi dermanlary we lukmançylyk serişdelerini satyn almak üçin halkara tenderini yglan etdi. Bu baradaky bildiriş “Neýtralnyý Turkmenistan” gazetinde çykdy.
Syýahatçy hökmünde Azerbaýjana baryp gören türkmenistanly raýatlaryň sany 2022-nji ýylyň noýabrynda geçen ýylyň şu aýy bilen deňeşdireniňde 5,1 esse artdy – diýip, Azerbaýjanyň syýahatçylyk baradaky Döwlet agentligine salgylanyp, Trend habarlar agentligi habar berýär.
Güýçli gyş harasaty ABŞ-na soňky 40 ýylda iň sowuk roždestwo howasyny getirdi. Güýçli şemal elektrik togunyň simlerini gopardy, ilatyň bir ýarym milliondan gowragy elektrik toksuz galdy. Käbir ştatlarda howanyň temperaturasy minus 40 derejeden aşak düşdi. Bu barada ABŞ-nyň milli meteorologik gullugy habar berýär.
Türkmenistanyň paýtagtyna Russiýanyň belli aýdymçylary Dima Bilan we Nýuşa geldiler, olar paýtagtymyzyň Sportuň gyşky oýun görnüşleri sport toplumynda ýekelikde çykyş etmek bilen, konsert bererler.
Energetika ugry boýunça ýöriteleşýän bütin dünýädäki ýaş žurnalistler 2023-nji ýylyň 28-29-njy martynda Germaniýanyň paýtagtynda geçjek global “Energetika geçişi baradaky Berlin dialogyna” (BETD23) gatnaşyp bilerler. Bu barada Germaniýa Federatiw Respublikasynyň Türkmenistandaky ilçihanasy habar berýär.
Eýranyň daşary işler ministri Hoseýn Amir Abdollahiýan ýurduň eýran ýadro maksatnamasy boýunça Bilelikdäki hemme zady öz içine alýan hereketleriň meýilnamasyny gaýtadan dikeltmek baradaky ylalaşygy baglaşmaga taýýardygyny beýan etdi.
Türkiýe Respublikasynyň Prezidenti Rejep Taýyp Ärdogan indiki ýyl ýurtda ýerine ýetiriji häkimiýeti pugtalandyrmak boýunça özgertmeleriň geçiriljekdigini mälim etdi – diýip, Anadolu agentligi habar berýär.
Katarda geçen 2022-niň mundialyndan närazy bolan janköýerler dünýä boýunça futbol birinjiliginiň final ýaryşyny gaýtadan oýnamagy talap edip, petisiýa guradylar. Petisiýa eýýäm 215 müň adam gol çekdi.
Dünýä ýüzünde bolup geçýän global maýlama we Ýerde howanyň üýtgemegi 2010-nji ýyla çenli Antarktidada janly organizmleriň ýok bolmagyna getirmegi mümkin. Iň gowşak görnüşleriň hataryna – imperator pingwinleri hem girýär - diýlip, PLO Biology žurnalynda çap edilen ylmy-barlagda nygtalýar.
NASA-nyň inženerleri älem giňişligindäki NEO Surveyor diýlip atlandyrylýan «asteroidleriň awlaýjysynyň» ilkinji düzüm böleklerini ýasap başladylar, ol howply asteroidleriň gözlegi bilen meşgullanar. Bu barada aeronawtika we älem giňişliginiň barlaglary boýunça Milli müdirlik öz resmi saýtynda habar berýär.
Tatarystanyň döwlet geňeşi konstitusiýa düzedişleri girizmegiň taslamasyny kabul etdi, onda sebitiň ýolbaşçysynyň wezipesiniň ady «prezident» sözünden «respublikanyň raisi» (baştutany) diýip üýtgedilmegi göz öňünde tutulýar – diýip, TASS habar berýär.
Anna güni, 23-nji dekabrda Türkmenistanyň döwlet haryt-çig mal biržasyndaky söwdalaşyklarda umumy bahasy $17,6 mln. amerikan dollaryna we 57 müň türkmen manadyna barabar bolan 13 geleşik baglaşyldy.
