200 müň adam futbol boýunça DÇ-2022-niň final oýnuny gaýtadan oýnamak boýunça petisiýa gol çekdiler
Katarda geçen 2022-niň mundialyndan närazy bolan janköýerler dünýä boýunça futbol birinjiliginiň final ýaryşyny gaýtadan oýnamagy talap edip, petisiýa guradylar. Petisiýa eýýäm 215 müň adam gol çekdi.
Resminama Mesopinions saýtynda çap edildi. Oňa islendik adam bellikler etmek bilen, FIFA ugradylan petisiýanyň aşagyna gol çekip biler. Resminamany düzenler finalda eminleriň fransuz ýygyndysyna adalatsyz bolandygyny belleýärler.
Ýatladyp geçsek, final oýnuň 70-nji minudyndan soň Argentina 2:0 hasabynda öňde barýarka, Fransiýanyň ýygyndy topary üýtgeşik gudrat görkezmegi başardy, ýagny 5 minutdan az wagtyň dowamynda hasaby deňledi. Goşmaça berlen wagtdaky “walidol” oýnundan soň, hasap öňküsi ýaly deň bolsa-da, Argentina on bir metrlik urgular tapgyrynda ýeňmegi başardy we, şeýlelikde, futbol boýunça dünýäniň çempiony boldy.
ORIENT habarlar
Surat: gettyimages.com
