BMG-niň binasynda duşuşyk geçirildi, onda dürli nesilleriň wekilleri biziň jemgyýetimiziň durmuş taýdan ösüşi we häzirki zamanyň möhüm meseleleri barada öz garaýyşlaryny beýan etdiler.
Türkmenistanda dürli görnüşli plastik kartoçkalaryň öümçiligi ýola goýlup biliner. Bu ýokary tehnologiýaly maglumat göterijileriň ulanyş gerimi örän giň we ösmegini dowam etdirýär, isleg bolsa – teklip döreýär, hut şu teklibi wise-premýeriň orunbasary Çarymyrat Purçekow anna güni geçirilen hökümet ýygnagynda beýan etdi.
Türkmenistanyň Maliýe we ykdysadyýet ministrliginde bäsdeşlik esasynda döwlet emlägini ynançly dolandyrmaga geçirmegiň tertibi taýýarlanyldy. Bu barada anna güni hökümetiň mejlisinde wise-premýer Hojamyrat Geldimyradow hasabat berdi.
Şu gün, 1-nji oktýabrda dünýäde ilat sany boýunça iň köp ýurduň ýaşaýjylary öz baş baýramyny – Hytaý Halk Respublikasynyň döredilen gününi belleýär.
“Gowy habar bilen paýlaşmak isleýärin. Ozal synçy bolan Türkmenistan hem Türki döwletleriň guramasynyň dolyhukukly agzasy bolar" – diýip, Türkiýäniň Daşary işler ministri Mewlýut Çawuşoglu Pamukkale uniwersitetinde ýaşlar bilen bolan duşuşygynda aýtdy – diýip, penşenbe güni “Anadolu” agentligi habar berdi.
“Belawia” awiakompaniýasy Belarusdan Türkmenistana we Türkmenistandan Belarusa awiagatnawlary täzeden dikelder diýip, belarus awiakompaniýasynyň Aşgabatdaky wekilhanasynda ORIENT-e habar berdiler.
1-nji oktýabrda Aşgabatda Maryly suratkeşler mekdebiniň gatnaşmagynda Artist talk formatynda duşuşyk geçiriler.
Türkmenistanyň ýangyç-energetika toplumyny döwrebaplaşdyrmak we bilelikdäki kärhanalary döretmek boýunça meýilnamalary işläp düzmek Sankt-Peterburgyň we Çelýabinsk oblastynyň hökümet agzalaryndan düzülen Russiýanyň wekilçilikli toparynyň Türkmenistana iş saparynyň netijeleri boldy.
Aşgabat-Minsk-Türkmenabat ugru boýunça göni ýolagçy howa gatnawlary “Türkmenistan” awiakompaniýasy tarapyndan ýakyn wagtda täzeden ýola goýlar diýip, Türkmenistanyň Ministrler Kabinetiniň ýanyndaky Ulag we kommunikasiýalar agentliginde ORIENT-e habar berdiler.
Türkmenistan bilen ÝB-niň arasyndaky hyzmatdaşlygyň häzirki ýagdaýy we geljegi hakynda Türkmenistanyň Daşary işler ministri Raşid Meredow bilen Ýewropa Birleşiginiň ilçisi Diego Ruis Alonso bilen geçirilen duşuşykda ara alnyp maslahatlaşyldy.
Türkmen wekiliýeti Rumyniýanyň Buharest şäherinde Halkara Elektroaragatnaşyk Birleşiginiň (HEB) maslahatynyň açylyşyna gatnaşdy. Bu ýerde guramanyň täze ýolbaşçysy Dorin Bogdan-Martin saýlandy diýip, HEB-niň saýty habar berýär.
1-nji oktýabr - Halkara ýaşulylar gününde “Ýeňme” jemgyýetçilik guramasy “Ýaşym – meniň baýlygym” atly fotosurat sergisini we başy çalaran adamlardan düzülen toparlaryň gatnaşmagynda “Breýn ring”, ýagny akyl ýaryşyny geçirer.
Aşgabat şäheriniň we Büzmeýin etrabynyň zähmet we ilatyň iş bilen üpjünçiligi müdirlikleri Türkmenistanyň Senagatçylar we telekeçiler partiýasy bilen bilelikde 10 oktýabrda S.Türkmenbaşy köçesiniň ugrunda ýerleşýän TSTB-niň binasynda sagat 9:00-dan 12:00-a çenli aralykda boş iş orunlarynyň ilata hödürleniş çäresiniň geçiriljekdigini habar berdi.
Prezident Serdar Berdimuhamedow Türkmenistanyň Ylymlar akademiýasynyň umumy ýygnagynyň Sapardurdy Toýlyýewi Ylymlar akademiýasynyň prezidenti wezipesinden boşatmak we TYA-nyň ýolbaşçylygyna Allaberdi Aşyrowy bellemek baradaky çözgüdini tassyklady.
Çarşenbe güni, 28-nji sentýabrda Türkmenistanyň Döwlet haryt çig-mal biržasynyň söwdalarynda ýerli telekeçi tekiz reňklenen we žakkard tüýjümek önümleri satyn almak üçin geleşik baglaşdy diýip, ORIENT-iň habarçysy habar berýär.
