Wengriýanyň prezidenti Katalina Nowak döwlet baştutanyna ynanç hatyny gowşuran Türkmenistanyň Wengriýadaky ilçisi Hemra Amannazarow bilen duşuşygy mahaly 2024-nji ýylda Türkmenistana sapar bilen gelmek islegini beýan etdi.
27-nji aprelde Ýewropa Birleşiginiň Türkmenistandaky wekilhanasy «Mert» alpinistler kluby bilen bilelikde Balkanabat şäherinde sport festiwalyny gurnaýar.
Türkmen ýüzüjileri Daşkentde (Özbegistanda) tamamlanan dünýä çempionatynyň saýlama ýaryşynda dürli derejedäki 10 medal gazandylar.
Baýram Allaýarowyň türgenleşdirýän hokkeýçileri tamamlaýjy tapgyrda 1:3 hasabynda Taýwanyň toparyndan ýeňildiler, netijede ol topar ýaryşynyň tablisasynda birinji ýeri eýeledi we klasyny ýokary galdyrdy. Başga bir ýaryşda GAR-nyň ýygyndysy 4:0 hasabynda Lýuksemburgy ýeňdi.
Dubaýyň halkara howa menzilinde 4 ýaşdan 12 ýaşa çenli çagalaryň pasport gözegçiligi we geçelgesi üçin zolaklar peýda boldy.
ABŞ-nyň halkara ösüş agentligi ulag-logistika pudagynda işleýän 35 ýaşa çenli bolan ýaş hünärmenleri logistika we ulag pudagynyň, satuwlar ugrunyň we işgärleri dolandyrmak boýunça öz işini bilýän iň gowy işgärlerinden tejribe almak üçin seminarlara gatnaşmaga çagyrýar.
Şenbe güni, 22-nji aprelde Türkmenistanyň Döwlet haryt-çig mal biržasyndaky söwdalaşyklarda BAE-den gelen işewür agyr wakuum gazoýlyň uly tapgyryny satyn aldy – diýip, ORIENT-iň habarçysy habar berýär.
Emirlikleriň “Raşid” marsohodynyň aýa gonmagyndan birnäçe gün öň, Muhammet bin Raşid Kosmos merkezi (MBRSC) hakykatyň interaktiw (AR) ykjam wersiýasyny çykardy, ol islendik adama Aýyň üstünde syýahat etmäge mümkinçilik berýär.
Şenbe güni geçirilen hökümet mejlisinde wise-premýer, Daşary işler ministri Raşid Meredow 2024-nji ýylda Türkmenistanyň SPECA-da başlyklyk etmegi we degişli konsepsiýany taýýarlamak boýunça iş alyp barmagy teklip etdi.
Gazagystanyň nebiti Jeýhan portundan Rumyniýa tarap ugradylyp başlandy – diýip, “KazMunaýGaz” Milli kompaniýasy paýdarlar jemgyýetiniň (MKPJ) metbugat gullugy habar berýär.
"Russiýa Federasiýasynyň Daşary işler ministrligi sebit gatnaşyklaryny has-da pugtalandyrmaga we umuman halkara hyzmatdaşlygyny ösdürmäge gönükdirilip, geçirilen motosikl ýörişine ýokary baha berýär" – diýip, daşary syýasat edarasynyň saýtynda şenbe güni KHBS üçin ýerleşdirilen habarda bellenýär.
Awtoulagdaky iň gymmat düzüm bölekleriniň biri-de hereketlendirijidir, şonuň üçin ony çalyşmak köplenç gymmada düşýär. Diagnostika enjamlaryny öndürmekde ýöriteleşen CarMD amerikan kompaniýasynyň hünärmenleri iň ygtybarly hereketlendirijisi bolan awtoulaglary mälim etdiler – diýip, Daily-Motor.Ru ýazýar.
22-nji aprelde ABŞ-nyň Ilçihanasy Halkara Ýer gününe bagyşlanan ilkinji ekofestiwaly Türkmenabat şäherinde gurnady. Türkmenabat şäheriniň “Bitaraplyk” seýilgähinde geçirilen bu çäre hemmeler üçin açykdy. Açylyş dabarasyndan soň myhmanlar sungat, bilim, tehnologiýa we medeniýet ýaly temalara bagyşlanan stendlere aýlandylar.
Moskwada Arkalaşygyň Senagat syýasaty geňeşiniň garamagynda GDA agza ýurtlaryň ulag serişdeleri üçin tebigy gazyň motor ýangyjy hökmünde ulanylmagyny ösdürmek we höweslendirmek boýunça bilermenler toparynyň ikinji mejlisi geçirildi.
Sian – Hytaýyň merkezindäki esasy şäher we Şensi welaýatynyň paýtagty ýakyn wagtda Aşgabat we Duşanbe howa gatnawlaryny ýola goýmagy meýilleşdirýär. Bu barada Sian Ösüş we Özgertmeler toparynyň müdiriniň orunbasary Wan Kaý şenbe güni: «Ýük gatnawlary gaýtadan dikeldildi hem-de açyldy we biz Merkezi Aziýa sebitiniň bäş ýurduny doly gurşap almak üçin gysga wagtda Merkezi Aziýa ýurtlaryna – Duşanbe, Täjigistan we Aşgabat, Türkmenistan ýurtlaryna iki täze gatnawy açarys», - diýdi diýip, Economic Daily habar berýär.
