2026-njy ýylyň 24–26-njy sentýabry aralygynda Stambulyň sergiler merkezinde (IFM) üçünji halkara mebel we dizaýn sergisi — FDI Istanbul geçiriler. “Dizaýnyň ýol görkezýän ýeri” diýen şygar bilen geçiriljek çäre öňdebaryjy öndürijileri, dizaýnerleri we işewür hyzmatdaşlary bir ýere jemläp, interýer pudagynda täze ugurlary döretmäge gönükdiriler.

FDI Istanbul diňe bir söwda meýdançasy bolman, eýsem pudagyň intellektual mümkinçiliklerini görkezýän abraýly platformadyr. Bu ýylky serginiň esasy maksady — innowasiýalara, özboluşly taslamalara we durnukly ösüşe aýratyn üns bermek arkaly türk dizaýnyny täze derejä çykarmakdyr. Guramaçylar Stambulyň dizaýn we söwda boýunça dünýäniň esasy merkezleriniň biri hökmünde ornuny pugtalandyrmagy maksat edinýärler.

Sergi IFM merkeziniň 9-njy we 10-njy zallarynda ýerleşdirilip, häzirki zaman interýeriniň ähli ugurlaryny öz içine alar:

• Mebel: ofis we bag mebellerinden başlap, aşhana toplumlaryna çenli;

• Dokma önümleri we bezeg: öý dokma önümleri, halylar we pol örtükleri;

• Yşyklandyryş we aksessuarlar: dizaýner yşyklandyryşy, aýna önümleri we bezeg serişdeleri.

Hünärmenler üçin FDI Istanbul ygtybarly işewür gatnaşyklary ýola goýmak we brendleriň dünýä bazarlarynda özlerini nähili görkezýändigini görmek üçin giň mümkinçilik döredýär. Myhmanlar ýakyn ýyllarda ýaşaýyş we iş ýerleriniň keşbini kesgitlän konsepsiýalar bilen tanyşyp bilerler. Gatnaşyjylaryň saýlanyp alnan kolleksiýalary hödürlenýän pikirleriň we önümleriň ýokary hilini üpjün edýär.

Sergi tejribe alyşmak üçin işjeň meýdança bolup, bu ýerde batyrgaý pikirler ara alnyp maslahatlaşylýar we mebel senagatynyň geljegi kemala gelýär.

Giňişleýin maglumat resmi web sahypada elýeterlidir: www.fdistanbul.com

ORIENT