OpenAI 2024-nji ýylyň iň uly taslamalarynyň biri bolan Sora wideo generatorynyň ýapylýandygyny resmi taýdan yglan etdi. Işläp düzüjiler hyzmatyň we API-niň ýapylýandygyny tassyklaýarlar hem-de ýakyn wagtda ulanyjylara döredilen kontenti saklamak boýunça görkezmeler beriljekdigini aýdýarlar. Kino we mahabat pudagynda öwrülişik etmegi wada eden bu taslama giň köpçülik üçin doly önüm bolup ýetişmän sahnadan gidýär.

Bu radikal kararyň esasy sebäbi serişdeleriň gaýtadan paýlanmagydyr. OpenAI Spud kod ady bilen täze ägirt uly modeli öňünden taýýarlamagy tamamlandygyny habar berdi. Oňa zerur hasaplaýyş kuwwatyny üpjün etmek üçin kompaniýa Sora-nyň ösüşini bes etmek kararyna geldi. Ulanyjylaryň garaşan ChatGPT bilen wideo generatoryň integrasiýasy hem näbelli möhlete bilen yza süýşürildi.

2024-nji ýylyň başynda ululyk bilen giňden tanyşdyrylandygyna garamazdan, Sora Runway, Luma we Kling ýaly hyzmatlaryň güýçli bäsleşigi bilen ýüzbe-ýüz boldy. Bu hyzmatlar giň köpçülik üçin has elýeterli we ulanmak üçin aňsat boldy.

Sora-nyň ýapylmagy hyzmatdaşlyk gatnaşyklaryna hem täsir etdi. 1 milliard dollar maýa goýmagy meýilleşdiren Disney kinostudiýasy şertnamadan çykýandygyny mälim etdi.

Muňa garamazdan, OpenAI wideo bilen işi doly bes etmeýär. Sora topary has düýpli gözleglere — fiziki dünýäni simulýasiýa edýän ulgamlar we robototehnika ugruna gönükdirilýär. Baş direktor Sem Altman indi “öň görlüp-eşidilmedik möçberde” maglumat merkezlerini gurmaga üns berýär, bu bolsa kompaniýanyň doly görnüşli emeli aňy (AGI) döretmek ugruna gönügendigini görkezýär.

ORIENT