18-nji martda Aşgabat şäherinde “Türkmenistanyň geljegine maýa goýumlar” (IFT 2026) atly hususy pudaga maýa goýumlary çekmek boýunça halkara forum geçiriler. Çäre Türkmenistanyň Söwda-senagat edarasynyň binasynda geçiriler.

Forum hususy pudagyň ösüş mümkinçiliklerini ara alyp maslahatlaşmak hem-de maýa goýumlary çekmek üçin platforma hökmünde hyzmat eder. Gatnaşyjylaryň üns merkezinde bilelikdäki taslamalary durmuşa geçirmek üçin mümkinçilikler hem-de telekeçilik gurşawyny pugtalandyrmak meseleleri bolar.

Forumyň guramaçylary Türkmenistanyň Söwda-senagat edarasy we Türkmenistanyň Senagatçylar we telekeçiler birleşmesi çykyş edýär.

ORIENT