Hytaýyň ýokary syýasy maslahat beriji edarasy bolan Hytaý Halk syýasy konsultatiw geňeşiniň 14-nji çagyrylyşynyň dördünji mejlisi hepdäniň çarşenbe güni öz işini jemledi.

Mejlisiň Pekin şäherindäki Halkyň Uly Zalynda geçirilen ýapylyş dabarasyna Hytaý Halk Respublikasynyň Başlygy Si Szinpin hem-de partiýa we döwlet ýolbaşçylary gatnaşdylar.

Mejlisiň dowamynda Hytaý Halk syýasy konsultatiw geňeşiniň Hemişelik Komitetiniň iş hasabaty baradaky kararnama, öňki ýyllyk mejlisden bäri syýasy geňeşçileriň teklipleriniň ýerine ýetirilişi baradaky hasabat boýunça kararnama, täze teklipleriň seljermesi baradaky hasabat hem-de Hytaý Halk syýasy konsultatiw geňeşiniň Milli Komitetiniň 14-nji çagyrylyşynyň dördünji mejlisiniň syýasy kararnamasy tassyklanyldy.

Mejlise Hytaý Halk syýasy konsultatiw geňeşiniň Milli Komitetiniň başlygy Wan Hunin ýolbaşçylyk etdi.

Hytaý Halk syýasy konsultatiw geňeşi Hytaýyň Kommunistik Partiýasynyň ýolbaşçylygyndaky köp partiýaly hyzmatdaşlyk we syýasy maslahat beriş ulgamynyň möhüm bölegi bolup durýar.

Hytaý Halk syýasy konsultatiw geňeşiniň Milli Komitetiniň şu ýylky ýyllyk mejlisi 4-nji martda öz işine başlapdy.