2025-nji ýylda ýokary maksatlara ýeten «Turkmen Textile Expo» halkara sergisi özüniň ikinji möwsümine taýýarlyk görýär. 2026-njy ýylyň 4–6-njy iýuny aralygynda Aşgabat täze giňeldilen konsepsiýasy we daşary ýurtly gatnaşyjylaryň rekord sany bilen ýene-de dokma senagatynyň merkezine öwrüler.

Serginiň esasy guramaçylary Türkmenistanyň Dokma senagaty ministrligi we Söwda-senagat edarasydyr. «Turkmen Expo» kompaniýasynyň bilelikde guramaçy hökmünde gatnaşmagy forumyň ýokary halkara derejesinde geçirilmegini şertlendirýär we dokma hem-de oňa degişli pudaklara maýa goýumlaryny çekmek üçin ähmiýetini has-da artdyrýar.

2025-nji ýylda geçirilen ilkinji sergi dokma kärhanalarynyň, önüm öndürijileriniň, dizaýnerleriniň we işewür wekilleriniň uly gyzyklanmasyny görkezdi we bu bolsa Türkmenistanyň ösýän dokma we fashion-merkezi hökmünde ýokary mümkinçiliklerini tassyklady. Bu çäre işewürlik gepleşiklerini gurmak, önümleriň tanyşdyrylyşy we halkara hyzmatdaşlygyny ösdürmek üçin netijeli meýdança boldy.

Öz üstünliklerine daýanyp «Turkmen Textile Expo 2026» täze derejä çykýar. Bu ýyl guramaçylar ýokary hilli gerime üns berýärler: halkara sergi gatnaşyjylarynyň sanynyň artmagyna, iri halkara alyjylaryň gelmegine we işjeň B2B toruna. Serginiň öň görlüp-eşidilmedik derejede köpçülikleýin habar beriş serişdeleriniň ünsüni özüne çekmegine we pudagyň esasy bilermenleriniň çäresine öwrülmegine garaşylýar.

Sergi şu aşakdakylary birleşdirer:

• dokma we taýýar geýim öndürijileri,

• mata, ýüplük we aksesuar öndürijileri,

• öý dokma önümlerini öndürijileri, şol sanda sanly mataň ýüzüne çap etýän tehnologiýalaryny ulanýanlar,

• kosmetika we beauty-önümleriniň brendleri,

• şaý-sepler we aksesuar öndürijileri,

• deri önümlerini öndürýän kompaniýalary (ýan torbalar, aýakgaplar we aksesuarlar),

• moda brendleri we dizaýnerleri,

• enjamlar we tehnologiýa bilen üpjün edijileri,

• distribýutorlar, satyn alyjylar we maýadarlar.

Serginiň maksatnamasy işewürlik gatnaşyklaryny we ýokary sungaty birleşdirýär: professional sergiler we B2B-gepleşikleri bilen birlikde, myhmanlar ajaýyp moda görkezilişlerinden lezzet alarlar. Öňdebaryjy türkmen dizaýnerleri, şeýle hem ykrar edilen daşary ýurtly ussatlar öz kolleksiýalaryny görkezerler.

Daşary ýurtly gatnaşyjylary goldamaga aýratyn üns berilýär. Guraýjylar wiza goldawy, stendlaryň gurluşygy, myhmanhana bronlama, logistika goldawy we Aşgabatda şahsylaşdyrylan iş maksatnamalary ýaly hyzmatlaryň doly toplumyny hödürleýärler.

«Turkmen Textile Expo 2026» diňe bir sergi hökmünde däl, eýsem uzak möhletleýin hyzmatdaşlygy ýola goýmak üçin uzak möhletli professional ekoulgam hökmünde hödürlenýär. Ol tutuş Merkezi Aziýada dokma, «fashion» we «lifestyle» işewürliginiň ösüşiniň esasy hereketlendiriji güýjine öwrülmäge niýetlenendir.

📅 2026-njy ýylyň 4–6-njy iýuny

📍 Aşgabat, Türkmenistan

Eksponentleriň hasaba alynmagy

Gatnaşmak üçin arzalary contact@turkmenexpo.com elektron poçtasyna ýa-da

şu telefon belgisiniň üsti bilen ugradyp bilersiňiz +993 71 87 18 18