11-nji fewralda Aşgabatda möhüm sport wakasy geçiriler — AFK-2 Çempionlar ligasynyň 1/8 finalynyň duşuşygy bolar. Olimpiýa stadionynyň meýdançasynda türkmen «Arkadag» kluby bilen Saud Arabystanynyň «Al-Nasr» kluby duşuşar.

Duşuşygy ýokary halkara derejede geçirmek maksady bilen giň gerimli taýýarlyk işleri alnyp baryldy. Myhmanlary we janköýerleri garşy almakda esasy orny Bedenterbiýe we sport institutynyň talyplarynyň arasyndan saýlanyp alnan 500 meýletinçi ýerine ýetirer.

Daşary ýurt wekillerine amatly şertleri döretmek üçin 15 terjimeçiden ybarat topar döredildi. Şeýle-de duşuşygyň beýan edilmegine ýardam bermek üçin žurnalistika fakultetiniň 15 talyby işe çekildi. Ähli işleri institutynyň 50 tejribeli mugallymy utgaşdyrýar.

Ýanwar aýynda meýletinçiler ýörite okuw taýýarlygyny geçdiler. Olar sport etikasynyň düzgünlerini, tomaşaçylara hyzmat etmek medeniýetini we howpsuzlyk talaplaryny öwrendiler. Halkara protokolyna we adatdan daşary ýagdaýlarda hereket etmek düzgünlerine aýratyn üns berildi.

Şeýle taýýarlygyň netijesinde her bir tomaşaçy myhmansöýerlik gurşawyna we islendik mesele boýunça kömege bil baglap biler. Bu bolsa janköýerlere öz halaýan toparlaryny goldamaga doly üns bermäge mümkinçilik döreder.

Häzirki wagtda Türkmenistanyň Futbol federasiýasy soňky taýýarlyk işlerini tamamlaýar. Meýletinçileriň hünär derejesi öňde boljak duşuşygy dünýä derejesindäki sport baýramyna öwürmegiň kepili bolar.

ORIENT