Biziň yhlasymyz – adamlary ýakynlaşdyrmak
Habarlar
Makalalar
Media
Anons
Tehnologiýalar
Biz barada
Habarlaşmak üçin
PETRONAS – «Türkmenistanyň nebiti we gazy – 2025» atly 30-njy ýubileý halkara maslahatynyň we sergisiniň “Göwher hemaýatkäri”
12.11.2025|17:14|
1962
Surat çeşmesi: PETRONAS
PETRONAS kompaniýasy geçen üç onýyllygyň dowamynda energetika pudagynda ýetilen sepgitleri we üstünlikli hyzmatdaşlygy görkezýän “Türkmenistanyň nebiti we gazy — 2025» (OGT 2025) atly 30-njy ýubileý halkara maslahatynyň we sergisiniň “Göwher hemaýatkäri” hökmünde çykyş edýändigine buýsanýandyr.
PETRONAS kompaniýasynyň wise-prezidenti hem-de gözleg we gazyp çykaryş bölüminiň ýerine ýetiriji direktory Mohd Jukris Abdul Wahab hem-de Halkara aktiwler boýunça wise-prezidenti Mohd Redhani B. Abdul Rahman ýolbaşçylygyndaky wekiliýeti dünýä energetika pudagynyň öňdebaryjy ýolbaşçylary we hünärmenleri bilen bilelikde hyzmatdaşlygyň hem-de innowasiýanyň täze ugurlaryny ara alyp maslahatlaşdylar.
“Biziň Türkmenistan bilen hyzmatdaşlygymyz ýyl-ýyldan pugtalanýar. Biz bilelikde durnukly we ygtybarly energetika geljegini gurýarys” diýip, jenap Jukris öz çykyşynyň dowamynda belläp geçdi.
Çäräniň dowamynda geçirilen pikir alyşmalar, strategik maksatly gepleşikler we innowasiýa ruhundaky döwrebap sergi pawilýony arkaly PETRONAS kompaniýasy ýene-de bir gezek Türkmenistanyň energetika pudagynda uzak möhletleýin hyzmatdaşlyga özüniň ygrarlydygyny görkezdi.
ORIENT