Dünýäniň öňdebaryjy howa merkezleriniň maglumatlaryna görä, geljekki oktýabr aýynda Türkmenistanyň howa şertleri ortaça ýyllyk möhletli görkezijiiler bilen gabat geler.

Köp welaýatlarda temperaturanyň esasy derejesi adaty kada çäginde bolar. Yagynlar barada aýdylanda, onuň mukdary ortaça kadadan az bolar diýip çaklanylýar, ýöne käbir welaýatlarda onuň howa görkezijilerine laýyk bolmagy mümkin.

Aşgabatda oktýabr aýynyň ortaça temperaturasy +17,1° deň. Meteo gözegçilik taryhynda bu aýda iň pes temperatura 1953-nji ýylda –5° boldy, iň ýokary temperatura bolsa 1969-njy ýylda +40,1° boldy. Soňky ýyllarda oktýabr aýynyň käbir günlerinde temperatura +35°-den ýokary çykyp bilýärdi.

Umuman, oktýabr adaty ýagdaýda taýdan güýzüň gelmegini we ilkinji ýagyşlary alamatlandyrýar. Ortaça aýlyk ýagyn kadasy 12 mm.

Soňky 20 ýylyň statistikasyna görä, oktýabr aýyndaky ýagyn mukdary üýtgäp durdy: käbir ýyllarda iň pes 0–1 mm-den 2014-nji ýylda 59 mm-e çenli boldy. Ortaça aýyň dowamynda Aşgabatda takmynan 6 ýagyşly gün bolýar. Oktýabr — ýylyň iň az ýelli aýlarynyň biridir. Ortaça ýel tizligi takmynan 2,2 m/s, (deňeşdirme üçin, iýun–iýul aýlarynda takmynan 3 m/s). Esasan gündogar, günorta we demirgazyk-günbatar ýeller kän duşýar. Howanyň çyglylygy sentýabrda 40% -den oktýabrda 54% -e ýokarlanýar.

Aşgabatda oktýabr aýynda garly örtük seýrek bolýar: ähli gözegçilik ýyllarynda hasaba alnan iň ýokary beýiklik 9 sm boldy.

Oktýabr aýynda bulutlylyk sentýabr bilen deňeşdirilende iki esse ýokarlanýar — 1,1-den 2,1 bala çenli, ýöne bu ortaça ýyllyk derejeden (2,9 bal) pesdir. Ortaça aýyň dowamynda takmynan 14 aýdyň gün, 14 bulutly gün we 3 gamaşyk gün bolýar.

Köp ýyllyk maglumatlara görä, Aşgabatda oktýabrda ortaça 0,1 gün gar, 0,1 gün duman, 2 gün tozan örtükli, 1 gün ýyldyrymly we 1 gün tozanly ýel bolýar diýip, Meteožurnal habar berýär.

ORIENT