Şu gün paýtagtymyzdaky Arçabil myhmanhanasynda Türkmenistan bilen HHR-nyň Sinszýan-uýgur awtonom raýonynyň arasynda oba hojalyk ugrunda hyzmatdaşlyk etmek boýunça maslahaty geçirildi.

Maslahatda iki tarapyň hem bu ugra degişli düzümleriň wekilleriniň çykyşlaryna giň orun berildi. Edilen çykyşlarda oba hojalyk ulgamynda özara hyzmatdaşlyk etmegiň meseleleri barada giňişleýin gürrüňler edildi.

Şeýle-de işjeň ýagdaýda geçen bu maslahatyň dowamynda Sinszýan Oba hojalyk uniwersitetiniň wise-prezidenti Çžen Wenksi çykyş edip taraplaryň oba hojalyk ugurdaky ýokary okuw mekdepleriniň arasynda özara hyzmatdaşlyk meseleleri boýunça pikirlerini beýan etdi.

Bulardan başga-da maslahatda taraplaryň degişli ugurly kärhanalaryny tanyşdyryş çykyşlary hem uly üns bilen diňlenildi.

Maslahatyň işi oňa gatnaşyjylaryň arasynda ikitarapaýyn duşuşyklaryň geçirilmegi bilen tamamlandy.

ORIENT