Golaýda Maýa Kulyýewa adyndaky Türkmen milli konserwatoriýasynda talyp ýaşlar bilen jemgyýetçilik işgäri, pedagog, Türkmenistanyň Ýaşlar Guramasynyň hem-de Türkmenistanyň Senagatçylar we Telekeçiler partiýasynyň işjeň agzasy Merdan Ataýewiň gatnaşmagynda «Hünär bizi saýlaýarmy ýa-da biz hünäri, ýaşlary nädip hünäre höweslendirmeli» atly pikir alyşma duşuşygy geçirildi. Bu barada TBM-niň resmi web sahypasynda habar berilýär.

Duşuşykda myhman ýaşlary öz hünärini nähili saýlamalydygyny, onuň usullardyr - görnüşleri, hem-de iş üpjünçiligi barada giňiňşleýin gürrüň berdi. Şeýle-de Merdan Ataýew öz zähmet ýoly, dürli wezipelerde işlän ýerleri, hem-de ýaşlar bilen döreden gurnaklary, hem-de ýaşlar bilen iş salyşmak ýollary barada hem çykyş etdi.

Talyplar duduşuşykda hünär saýlamak boýunça özlerini gyzyklandyrýan sowallar bilen myhmana ýüzlenip, kanagatly jogap aldylar.

Jemgyýetçilik işgäri, pedagog Merdan Ataýew höwesjeň ýaşlara özüniň gurnaklarynyň guramaçylygynda geçirilen birnäçe bäsleşikdir – çärelerini beýan edýän wideolary we fotosuratlary görkezdi.

ORIENT