Şu hepde Berlinde Ykdysady hyzmatdaşlyk boýunça bilelikdäki türkmen-german iş toparynyň 10-njy mejlisi geçirildi. Duşuşyk Germaniýa Federatiw Respublikasynyň Ykdysadyýet we howanyň üýtgemegine garşy göreşmek boýunça federal ministrliginde geçirildi. Türkmen wekiliýetine Wise-premýer Batyr Atdaýew ýolbaşçylyk etdi.
Mejlis iki bölümden ybarat boldy. Birinji bölüminde ikitaraplaýyn söwda-ykdysady gatnaşyklary we olary ösdürmegiň ugurlary ara alnyp maslahatlaşyldy. Mejlisiň ikinji bölüminiň işi Germaniýanyň işewür wekilleriniň we assosiasiýalarynyň hem gatnaşmagynda geçirildi. Maýa goýum hyzmatdaşlygy, maliýe-bank, energetika, nebit-gaz, gaýtadan dikeldilýän energiýa, metan zyňyndylaryny azaltmak, daşky gurşawy goramak, suw we oba hojalygy, lukmançylyk senagaty, ulag, logistika we infrastruktura, “ýaşyl ykdysadyýete” geçiş, şonuň ýaly-da kiçi we orta telekeçiligi goldamak ýaly ugurlarda hyzmatdaşlygyň anyk meselelerine garaldy.
Şeýle hem, mejlsiň barşynda Türkmenistan bilen Germaniýa Federatiw Respublikasynyň arasynda hyzmatdaşlygy ösdürmegiň “Ýol kartasynyň” durmuşa geçirilşi we bu babatda German ykdysadyýetiniň Gündogar komiteti bilen bilelikde ýerine ýetirlen işler we öňde durýan meseleler seljerildi.
ORIENT
