Biz ýakynlaşmagy ugur edinýäris

Gazagystan Respublikasy we Özbegistan Respublikasy Daşary işler ministrler Geňeşini döretdiler. Bu barada Gazagystan Respublikasynyň Prezidenti Kasym-Žomart Tokaýew özbek kärdeşi Şawkat Mirziýoýew bilen Astanada geçirilen ikitaraplaýyn gepleşikleriň netijelerinden soň köpçülikleýin habar beriş serişdeleriniň wekilleri üçin geçirilen brifingde aýtdy diýip, Gazagystanyň “Kazinform” halkara habarlar agentligi habar berýär.

“Häzirki wagtda ähmiýetli bolan halkara meselelerde biziň meňzeş garaýyşlarymyz bar. Iki tarap hem sebitde hyzmatdaşlygyny güýçlendirmek isleýär. Häzirki gün tertibindäki halkara meseleler boýunça garaýyşlarymyzy utgaşdyrmak üçin şu gün Daşary işler ministrler Geňeşini döretdik” – diýip, Gazagystan Respublikasynyň Prezidenti Kasym-Žomart Tokaýew bu ädimiň iki ýurdy ýakynlaşdyrjakdygyny aýtdy.

Prezidentler şeýle hem iki ýurduň arasynda ylym we bilim pudagyndaky hyzmatdaşlygy ara alyp maslahatlaşdylar.

Astanada Merkezi Aziýanyň döwlet Baştutanlarynyň altynjy Konsultatiw duşuşygy geçiriler.

ORIENT news

Foto: inform.kz