«Aşgabat şäher telefon ulgamy» (AŞTU) ýapyk görnüşli paýdarlar jemgyýeti özüniň abonentleri üçin «ITVQ8» IP telewizion týunerini hödürleýär.

AŞTU web sahypasynda bellenilişi ýaly, täze enjam öňünden gurnalan IPTV, «Belet Film» we «Älem TV» we şuňa meňzeş meşhur hyzmatlar bilen satylýar. Munuň özi birikdirilenden soň ulanyjylara derrew köp sanly güýmenje mazmunyna girmäge mümkinçilik berýär.

Týunerde Bluetooth we ses dolandyryşyny goldaýan häzirki zaman pulty bolup, onuň ulanylyşyny has-da aňsatlaşdyrýar. Ulanyjylar isleglerini aýtmak bilen, zerur mazmuny aňsatlyk bilen tapyp bilerler.

Týuneriň bahasy 756 manat. Abonentler ony her aýda 63 manat töläp, garaşaryna satyn alyp bilerler. Möhletlere bölüp tölemek mümkinçiligi saýlananda abonent töleginiň 5 manat ýokarlanýandygyny, ýagny enjamy özbaşdak satyn alanyňyzda standart bolan 30 manadyň ýerine 35 manada deň bolar.

Şeýle hem kompaniýa týunere bir ýyl möhlet bilen kepillik berýär.

Mundan başga-da abonentler üçin amatly wagtda AŞTU hünärmenleri tarapyndan týuneri gurnamak we birikdirmek hyzmatlaryny hödürleýär.

ORIENT news