Bişkek Türkmenistanyň we Hazar deňziniň üsti bilen Russiýa Federasiýasyna ýük daşamak ugrunyň ýola goýulmagyna garaşýar
10.07.2024 | 21:25 |Bişkekde ýakyn geljekde Hazar deňziniň üsti bilen Russiýa ýük daşamak boýunça täze ulag ugrunyň açylmagyna garaşýarlar. Bu barada Krasnoýarskda geçen hyzmatdaşlyk boýunça Russiýa-Gyrgyzystan hökümetara toparynyň 11-nji mejlisinde Gyrgyzystanyň ministrler kabinetiniň başlygy Aklybek Žaparow aýtdy diýip ТАСС habar berýär.
Täze ulag ugruny Özbegistanyň, Türkmenistanyň we Hazar deňziniň çäginden geçirmek meýilleşdirilýär. Ýükler Astrahanyň portuna ýetiriler.
Häzirki wagtda Russiýa Federasiýasynyň Gyrgyzystana we Gyrgyzystandan Russiýa Federasiýasyna ýük daşamalar Gazagystanyň üstünden amala aşyrylýar.
Ozal Russiýanyň “Demirgazyk Günorta” halkara ulag geçelgesine utgaşýan bu ugry ösdürmäge gatnaşmagy göz öňünde tutýandygy habar berilipdi.
ORIENT news